اتعلم اشون اتصغر صورتك ارجو التثبيت

[رومانسي بغداد]

طبعا اني دائما من افوت لأي قسم من أقسام الصور اشوف صور جبيرة كلش

يعني تاخذ مساحة كلش كلش جبيرة وصعب فتحا ومرات تطلع من المونيتر هع هع هع

حبيت اعلم الاخوان الي ميعرفون اشون يزغرون صورهم بطريقة بسيطة كلش كلش وموجودة بكل الحاسبات

طبعا بال paint وبكل الحاسبات موجود اكيد يعني لا اي سي دي سي ولا هم يحزنون

نجي على شرح الطريقة وبالصور




1. الصور اكيد انتوا خاليها على الدسك توب الي ميعرف شنو دسك توب يعني صفحة المكتب
يروح على الصورة يدوس عليها كلك ايمن
يروح وراها على كلمة open with
يروح وراها على ال paint

كما موضح بالصورة رقم (1)




2. بعدين راح تطلع الصورة الي تريدون تزغرها داخل ال paint شنو راح تسوون الي يريد يزغر عيني
يروح على كلمة image وهي فوك دوس عليها
وراها على كلمة streth\skew ودوس عليها

كما موضوح بالصورة رقم (2)




3. وراها من تدوس على كلمة streth\skew راح يطلع الك مثل المربع بي ابعاد انت عليك باول مربعين من فوك تلكي بالمربع الاول فوك رقم 100 والي جوا هم رقم 100

كما موضح بالصورة رقم (3)




4. ورة هذا كلة انتوا شنو راح تسوون متسوون شي بس ال 100 الي فوك قللوها مثلا 50 وال 100 الي جواها كذلك يعني هم 50 وكولوا الة اوكي راح تزغر عدكم الصورة
طبعا تكدرون تختارون ارقام اكثر او اقل من 50 لكن اذا اختاريتوا 50 لازم ثنينهم 50 واذا 60 لازم الثنين 60 وهكذا

طبعا تكدرون تكبرون الصورة اذا تريدون مجرد ال 100 تسووها اكثر يعني مثلا 120 ب 120











مع تحياتي مخلصكم اسد السيديه الحزين/بكر العاني
اهم شيء الاتنسوا ردودكم
منقوووووووول للاسفاده منه

[عراقي الى الابد]

عاشت ايدك اخويه للموضوع
عاشت الايادي

تحياتي