ذهب تنزل دمعتج/اهداء الى الغاليه الراحله

[هاشم نجم]

اصبر الروح بيش؟ وانتي بيه الروح
واذا تطلع اظن بس جسد خالي
لكيتج من جنت جسد مالاكي بكل الناس
انتي ثاني محب وانتي الصرتي تالي
يالكلج محبه وانتي احن مخلوق
معقوله الحمامه تهاجر وتصير كتالي
صح ماكو بجمالج انا ادري بهاي
وروجة رقتج ما كظها كل جالي
غاليه وكلش عندي وما اهدج دوم
وغاليه وهسه احبج جي صرتي غالي
احسج تختلفين عن كل بقيت الناس
بعيوني اشوفج على النجم عالي
واشوفن دمعتج ما جنهه تنزل ماي
ذهب تنزل دمعتج تجدح تلالي
الج بستان عمري بكل ثمن مزروع
راضي بكلشي منج كلشي يحلالي
اجيج ومن ارد فارغ ارد للغير
وعنب بس على مودج تارس اسلالي
يمج انسه روحي ومن اكون اوياج
وعلى فنجان شفتج تركع ادلالي


-بقلمي-
هاشم نجم

[ام فيصل]

يمج انسه روحي ومن اكون اوياج
وعلى فنجان شفتج تركع ادلالي


عاشت ايدك عزيزي هاشم

قصيدة رائعة -واحساس رائع

ووصف جميل


تحياتي لك يارائع

[هاشم نجم]

وايدج اختي العزيزه ام فيصل
تحياتي لكي
وشكرا لمرورج

[عاشق عيونك]

الج بستان عمري بكل ثمن مزروع
راضي بكلشي منج كلشي يحلالي
يسلمووووووووووو يلغالي ع الكلام الرائع


تحياتي

[هاشم نجم]

اسعدني مرورك اخي العزيز عاشق عيونك
تقبل تحياتي وشكري

[محمد السوداني]

واشوفن دمعتج ما جنهه تنزل ماي
ذهب تنزل دمعتج تجدح تلالي
الج بستان عمري بكل ثمن مزروع
راضي بكلشي منج كلشي يحلالي

شكلك يا بعد رورحي قصيدة ادمر ....روعه روعه روعه

وشلون فاتتني وهسه يالله شفتها ماادري!!!

اخويه الغالي هاشم عاشت ايدك وصح السانك يارائع
لك ودي وتقديري.....واعذري عن التأخير بالرد اخوي
تقبل مروري يا رائع

[هاشم نجم]

منور الصفحه وفي أي وقت وهذا شرف كبير لي
اخوي العزيز محمد السوداني
اسعدني تعليقك وردك ومرورك

[حيدر اللامي]

قصيدة رائعة عاشت ايدك اخويه الغالي هاشم المبدع

تقبل تحياتي