ابي الغالي

[جله نار]

قصيده الى ابي الغالي
رحمه الله عليه


ماادري فراكك صعب يا يابه


مثل المحب مهلوف ومفارك احبابه


ماادري صبح البيت خالي وشايل بيابه


لو ادري ملك الموت جاي وشايل كتابه


لسديت الطريق عليه وظل واكف ببابه


لو مار الزمن لو وكفت ابوابه


ماننسى حنيتك ولاضحكت نيابه

يظل اسمك شامخ دوم

وماتنكسر عزبابه

ويظل صاروخ فوك النجم

وشحده يدك بابه

مانذل اسمك ابد

حتى لو صرنا سرايه

بيت شامخ ابد

بوالده واحبابه

وامنا العزيزه تكف

ولاتهدا بابه

لاتهدا بابه

[شوك الشفايف]

رحم الله والدك جله نار..
من كان اب ل هكذا انسانة رائعة يستحق الرثاء
بحروف الادب الجميل..لك كل الحب واسكنه الله فسيح جناته
تقبلي مروري ياغاليه..حروف ابكتني ..بأحساسها الصادق..عدي فريد.

[asir]

اللهم ارحم المسلمین والمسلمات المومنین والمومنات تابع بیننا وبینهم الخیرات انک مجیب الدعوات انک قاضی الحاجات انک علی کل شیء قدیر

[شاكر الهلالي]

شكرا لك جله نار

ورحم الله والديك

تقبلي مني احلى التحايا 0

[هدار سامي شياع المنصوري]

الك حنيتي يابه غريب اشتاكَ لدياره
والك شوكَي ندى عاشكَ وأصل الروض وزهاره
غرامي ابفركَتك ديوان بجه ويبجن اشعاره
ودليلي ابفركَتك طايح ابسورة ضيم فواره
شلهبني الهضم يابوي ضرب بحشاي بسماره
وعذابك شبه جانون تلهب بالجبد ناره
تفرفش روحي ابهجرك تلوج وغدت محتاره
ومحد سالني وكَال الاديب ابوك شخباره
00000000
ياهرش الرويته ابماي وصدودك حنالي اضلوع
شحجيلك شسولف عن كَلبي المفجوع
كَلبي العلكَ لوصالك سنين العمر كلها شموع
وعاش ابضنه الملكَه بمحطات الامل مخدوع
اصبح بالنهايه ابعكَرب الغربه الكلف ملسوع
ونخى حشمك لجن صياح المختنك ما مسموع
ياوسافه اصبحت ابسوكَ نكَبات الوكت مبيوع
000000000000000000
جله الغاليه00 تقبلي مروري المتواضع
وسلمتي وسلم ابداعك وعاش قلمك قصيده رائعه
كروعتك البهيه00سلامي وتحياتي

[عادل المنصوري]

دوم عينه اعلل نجوم الفاركَـ احبابه اعله غفله
يعاين الميزان يتأمل بعدله
ودوم عينه اعلل درب بلكت يمرله
ويشبكَـ بحضن الحنان
وينزع ثياب المذله
اه ... ياعمري التعده
يشد عليَ الوكت مره وانه اشده
ومره اضري اعلل حزن اخفيه
ومره اكَعد بسده
ومره ركبه ونص اثنيله اعله حده
بهيده لاتمسح دمعتي
بلكت اتمر عالكَلب كَطره وتبرده
وبلكت الحسره تخفف لوعتي
واسرج اكحيل المعزه بكيفه اهده
اه ياسهم التجافي
طكني بالدلال شكَه وبي تعده
لا خطاني ... ولا جفاني
وفرغ اهمومه وملاني
صرت ياسه ونابته بوسط الغَرب(نبتت الغربه بالاهوار)
ياهو يتعنه وسكَاني
وارجع اردود اعله ليلي
اصرخ ابأسمه واتاني
وشنهو اتاني
بس صدى الصوت الاجاني
لو يمر الغاك ينغكَني ونعاني
ياهو آني ومنهو آني
خلاف عينك من يراني
آنه طير وبالحنان
خلص اسنينه بامان
وكَابع بغصنك تراني
لجن اترجاك كَاعد بالجنان
دعوة الأبن لأبوه امن الكيان
دعوة الأبن لابوه امن الكيان

[جله نار]

رحم الله والدك جله نار..
من كان اب ل هكذا انسانة رائعة يستحق الرثاء
بحروف الادب الجميل..لك كل الحب واسكنه الله فسيح جناته
تقبلي مروري ياغاليه..حروف ابكتني ..بأحساسها الصادق..عدي فريد.

شكرا على شعورك الطيب

[جله نار]

اللهم ارحم المسلمین والمسلمات المومنین والمومنات تابع بیننا وبینهم الخیرات انک مجیب الدعوات انک قاضی الحاجات انک علی کل شیء قدیر

رحم الله جميع اموتنا وامواتكم
حياك الله اخي الغالي