يكَلي اكتب

يكَلي اكتب

شجه عندي القلم والورق زعلان شو يعتب .... يكَلي اكتب
القضية تشكَكَت بلكن تراك تروفهه .... ولك شأكتب
موحته القصايد حاربتني احروفهه
بعد حته بحلم ما ظن تراهَ أتمر
عليه اشكَد صعب صدكَني صاير شوفهه
تنساني وأنساهه امن أفز ماجني شفت اطيوفهه
أو لاجني غنيت بطرب من دكَت أعله أدفوفهه
أو لاجني احبهه امن الزغر ... أو يامه اكتبت بيهن شعر ...
ولك شأحسب....
يكَلي اكتب .... العراق أعله اهله ظل يعتب ....
باعوا عراقك وبرخص .... اكتب شعر أكتب قصص
أمانه بركَبتك بالك يصاح اتعوفهه ... يكَلي أكتب
جفك اشبي يرتجف يمكنه خايف .. اكتب تلاحكَـ عراقك صار أحزاب أو طوائف
او ديرتك حكموهه وسفه اضيوفهه ...بشجاعه اكتب
ولك شأكتب ...
عن ياحاله اكتب وأرتجل واشعر
وانه اشوف العراق كَبالي يتوذر
واهله بضلوعه تحد بسيوفهه .... لا تعتب
ضيعوا اصل القضية اعله الجروف او بيدهم هُمَّ احدروا مشحوفهه
اسكت او كافي عتاب .... صرنه نعجه بنص ذِياب
أو لون ماصح الهه راعي تنوجل هيَّ او صوفهه ...
كافي تعتب .... راح اكتب ...
أوحته لو بيك ما ظل كل حبر .... هاي ايدية اقلام اسوي جفوفهه
وأكَطع الشريان الابهر .... وأكتب الجلمات بأحمر
أو روحي أشكَكَهه ورق ... اوللعراق اكتب قصايد دمعتي أولوعات كَلبي احروفهه
...................

للامانه منقوله
للشاعر
ابو نور الforaten.net/?foraten.net/?foraten.net/?foraten.net/?foraten.net/?
10 / 11 / 2009

[ام علاوي]

رائعه يازير
هنيئا لك حسك الوطني
وبارك الله بك للجهود المميزه
لاحرمنا هذا العطاء المتجدد
لك ودي عزيزي

[امير الاحزان:]

عاشت اناملك لنقلك المميز ولاختيارك الرائع
اخوي الطيب
قصيدة رائعة..
وهذا ينم عن الحس والشعور بالم ما يعترينا

مودتي مع باقات وردي

[حيدر القريشي]

قصيده في غايه الروعه والذوق
تسلم الانامل التي انتقت هذا الابداع
لك مني كل الود والتقدير اخي الزير
مع تحياتي لك

[قاسم الناصري]

شكرا لذوق الجميل
لنقل كل ماهو رائع
ورائع
وامتاعنا بكلماتك

[الشاعركريم السلطاني]

متميزه وممتعه

دام تواصلك

بهذا الجمال

كل التقديروالاحترام
لك مني
عاشت اناملك لنقلك المميز ولاختيارالموفق

[ام فيصل]

كافي تعتب .... راح اكتب ...
أوحته لو بيك ما ظل كل حبر .... هاي ايدية اقلام اسوي جفوفهه
وأكَطع الشريان الابهر .... وأكتب الجلمات بأحمر
أو روحي أشكَكَهه ورق ... اوللعراق اكتب قصايد دمعتي أولوعات كَلبي احروفهه



صح لسانك عزيزي وعاشت ايدك
قصيدة وجع وألم وحيره وحزن

سلم لنا اختيارك الرائع والمميز دوما
ونسأل الله ان يحفظ هذا الوطن وشعبه من كل مكروه

مع تحياتي لك

[أنثى شرقية]

اسكت او كافي عتاب .... صرنه نعجه بنص ذِياب
أو لون ماصح الهه راعي تنوجل هيَّ او صوفهه ...


عاشت اناملك الطيبين الي صاغو ونقلوا اجمل العبارت التي تعبر عن واقع العرا المرير
دام نبضك ودام ابداعك للفرات
تحياتي الك