انتي سفان الكلب وشراعه(جديد اسامه الشاعر)

[أسامه الشاعر]

مو عيب اليحب ياحلوه لا موعيــــب
ولاسهــله التزعله يرجع بســـــــــاعه

غاليه انتي واجمــــــــــل حبيـــــــب
وانتي سفــــــان الكلب وشراعــــــه

اذا يزعل حبيبي مااتاني الطيـــــب
اصيرنله جســـــر وبصدره دلاعه

ادوس اعله المنايه وامشي بتهذيب
واموتن للملاكه واكره وداعـــــــه

واظل انطر هواهم وانه أنسل شيب
وأظل خنسه بهواهم دوم ملتاعـــــه

واتاني لوحبيبي راد عني أيغيــب
ويلكاني بأمر سمــــــعـــا وطاعـه

اليحب لازم يحلوه ينطق بترتيــب
مو هدةحرب ويجيـــــــــب فزاعه

مودوم القوافي بكل زمان تصيـب
ولادوم الشعر للمحب شــــــماعه

ولادوم الحرث يصلح التخريـــــب
ولادوم الشتال منبع بكاعـــــــــــه

هو عنده كلب بس النوايب ذيــــب
ومودوم التحبه تشم نعــــــــناعـــه

شراعي بالهوى مطرب على التغريب
يالحبك وهم وافــــــــــكاري بداعــــــه

خليني بحلم يللي هــــــــــــواكم غيب
تيهت الفكر وانحسرت اوضـــــــاعه

......................
................
كان هنا
أسامه الشاعر

[سلام الدراجي]

هلا وغلا بااسامه الشاعر الورده تحيه الك للقصيده الرائعه

[الحب الضائع]

جميل ماكتب لنا قلمك

مبدع دائما .............

مع تحياتي

الشاعر المتالق اسامه
حيثما التقي قصائدك اقف مصفقا لك لانك مميزا ومتجددا
ونك اخي ثانيا
قصيدتك النصاريه مذهله حقا وسلمت مبدعا ترفدنا بكل جديد

[أنثى شرقية]

هو عنده كلب بس النوايب ذيــــب
ومودوم التحبه تشم نعــــــــناعـــه


عاشت اناملك ودام ابداعك
تحياتي

[محمد السوداني]

قصيدة رائعة عاشت الايادي يامبدع

تقبل تحياتي وتقديري

واتمنى لك المزيد من التمييز

[أسامه الشاعر]

هلا وغلا بااسامه الشاعر الورده تحيه الك للقصيده الرائعه

شكرا لك دكتور للمرور الرائع وسلمت
تحياتي لك اخي الغالي

[وسن فاروق]

قصيدة بغاية الروعة عاشت ايدك