انطيني فرصة


انطيني فرصة وخل اسولفلك عليك
اشكد الك شايل تصاوير العقل


احنةمن انحب نسوي المايصير
ومايصير انطبق الصاير قبل


انتة الله بزرة ظل صافن عليك
ومن جمالك دايخ بلاية عقل


انتة لو تنكتل مايفصلك شيخ
الورد يتحزم الك ياخذ فصل


انتة حتى السيف اذا مسته اديك
السيف يضرب روحة سيف وينكتل


السيف كدماذبح مايل طبعة صار
وطولك اشكد ذبح بس واكف عدل


انتة لبرمضان حيرت الاسلام
لان مدري شلون كل ساعة تهل


انطيني فرصة وخل اسولف هم عليك
وعفية هاي شبيك درحم حالي


انة ليلي بطولة اسولفلة عليك
وانتة رايح جاي تمشي ابالي


ابالي ضميتك حلم خايف تضيع
وماضعت بس ضيعيتة البالي


انتة وجهك كمر طالع بالنهار
واحسب اسنونك نجم حسبالي


انتة لو مرة سال واحد عليك
انكلة كاعد ذاك هوة اكبالي

__________________

تعال وياي اكعد خل احاجيك!
اخذهة وياك مارايد عشرتك ..


..
صح انتة نهر بس.. بس انة الك ماي
وصح انتة جبل .. بس انة قمتك !




منقول للشاعر
حيدر الربيعي


..