راية العباس ع .... جديد الشاعر foraten.net/?foraten.net/?foraten.net/?foraten.net/? رفيش

عذراً احبتي اخطأت بعنوان القصيدة وهي ( كعدة الاربيعينة ) اتمنى ان تنال رضاكم

********************

جيناك يحسين *** دم مدمع العين

انه ويتاماك *** ياخوية جيناك

دم مدمع العين

ياسبط جدنة محمد جيتك بدمعـــــة شجيــــة

جيتك بدم عين كلبي ياظلع امنة الزجيـــــة

وي الضعينة جيتك انة خوية جنت انه سبية

جيتك يبن فارس مضر ------- بالام وهموم وقهر ------- حملها بخيامي الدهر ----- وانتة خوية اعلى الوطية

بالام وهموم *** يحسين هاليوم

نبجي اعلى فركاك *** يحسين جيناك

دم مدمع العين

ياعلم جدك محمد يـــافخر حيدر علينــــــة

جيت اشجيلك مصايــب حملتها من المدينة

وحملت يا خوية بعدك جم جرح يوم انولينة

لخيام حركتها العدا ----- واطفال بالهم شاردة ----وجيوش ضدنة موحدة ------- وبالحبل شدوا ادينة

يحسين بحبال *** شدونة الانذال

والدمع ينخاك *** يحسين جيناك

دم مدمع العين

ياجرح ياهم اسولف شحجي عن الغاضرية

انة جيت اليوم اشجي خوية مو كصدي الاذية

انة جيت الهم حملني الكربلــــة ارض الرزية

اشجي يخوية بهالدمع --- واحجيلك اصارالوضع ---ولاسيف عندي ولادرع--- بصبري لاويت المنية

بالصبر يحسين *** خضت الميادين

والصبر ناداك *** يحسين جيناك

دم مدمع العين

زينب انه اليوم اجيتك خوية يحسين وشفتني

هذا وجهي شوفة ذابل باليالي الصدعتنـي

وهذا كلبي يصيح بسمك اه يحسين الولتني

عدوان ماعدهم رحم --- راووني كل معنى الالم --- بسياط ضربوها الحرم--- والاثر باقي اعلى متني

والجرح السياط *** ما يرهم خياط

وتريد ملكاك *** يحسين جيناك

دم مدمع العين

ياجرح اشجي بونينة وياجمر يســعر عليــــة

هناك بالديوان صرنة خوية كلنة ابين اميــة

وبالطشت ياخوية جابوا راسك وسكتت رقيــة

عالراس من طاحت تون --- حسيت بالطفلة تحن ----غمضت يبو اليمة الجفن---- وطاحت بونة خفية

طاحت على الراس *** مخمودة الانفاس

وبونة تنعاك *** يحسين جيناك

دم مدمع العين

ياشرف دم الرســــالة والكمر معــــذور أمــــــــرة

ارد اروحا خوية يمـــة وارد اســولف وي كبرة

وارد اواسي انة جفيلي والكلب يدري ويعــــــذرة

ياخوية سبع الكنطرة ....... ياخوية سبع الكنطرة

النار بية موجرة ............ ياخوية سبع الكنطرة

والحرة تدري مخدرة ...... ياخوية سبع الكنطرة

والروح للعباس تنعة وتشجي بالدمعة الخفية

عليك الروح يامضلوم لاجـــــــت

اشكثر صرخت رقية عليك لاجت

جبتها الراسك وياريت لاجــــــت

وعلى شيبك يخوية تموت هيــــة

خادم اهل البيت عليهم السلام

foraten.net/?foraten.net/?foraten.net/?foraten.net/? رفيش

[ام فيصل]

احسنت
وبارك الله فيك على هذا الإختيار
انالك الله شفاعة محمد واهل بيته الأطهار
ودمت مبدعا دوما
مع تحياتي لك عزيزي

الاخت العزيزة بعزة الله ....../ ام فيصل ....
شكرا لمروركي الذي يعطر صفحاتي بعطر متبعة ال بيت رسول الله ص ..... دمتي بالخير انشاء الله
تحياتي