روحي الحبتك

[هاشم نجم]

سولف گول الك واهس تضل وياي
واذا ما الك واهس گول لا تخجل
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اگدر ابقه وياك
بس المشكله خاف انه راح انمل
ميهمني الدرب صار امشي بيه اسنين
ما اندل چنت بس هسه گمت اندل
وما اگولن خساره الراح مني وياك
وي كلمن تحبه الروح ما تبخل
روحي الحبتك تتحمل بلياك
وما ينقص صبره بغيبتك يكمل
مجنونه نعم بس تدري روحي اشلون
تنجن بالعشگ وبلا عشگ تعقل
حبيتك صدگ والوكت چذبه هواي
وبمعركته الدغش انه انزلت اعزل
وتعرفني ولو عندك شكوك هواي
وادري لك شكوكك چان عندك حل
من شفتك سنابل روحي اجت ترويك
ماي ولا تضن اتصيرلك منجل

-منقول-
للشاعر المبدع/ جبار رشيد

[محمد السوداني]

قصيدة رائعة عاشت ايدك اخويه الغالي هاشم المبدع

تقبل تحياتي اخويه العزيز وشكري الجزيل لابداعتك المتواصلة

لك ودي وتقديري

[هاشم نجم]

شكرا لمرورك الكريم اخي / محمد السوداني
تقبل خالص ودي واحترامي ودمت بحفظ الرحمن

[ام فيصل]

ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل


الله عليك ياهاشم

مشكور عزيزي على هذا الإختيار الرائع والموفق

عاشت ايدك عزيزي

ودام لنا هذا الإحساس

[حيدر اللامي]

قصيدة رائعة عاشت ايدك اخويه الغالي هاشم المبدع

تقبل تحياتي

[هاشم نجم]

تحياتي لكي اختي العزيزه ام فيصل
وشكرا لمرورك وردكي الجميل
لكي خالص الود والاحترام

[هاشم نجم]

عزيزي مغترب اوسلو
شكرا لردك ومرورك الكريم
تقبل دعواتي لك بالتوفيق