أحضنك ...
أحضنك . .
والگلب.. شوگه وعذابه إيزيد
ويشوفك بعيد . .
وإنته بأحضاني . . !
@ @ @
واشمـَّك بلكن أطفى . .
ونار گلبي إتهيد
وبشمـَّك . . أوج
وتهيج نيراني! . .
@ @ @
ما يرتاح گلبي . .
وكل عذر ميفيد . .
كل ما ألگه حل
إيريد حل ثاني ! . .
@ @ @
أحطـَّــــنـَّك إبنصه . .
وهم يصيح إبعيد . . !
شوف إخباله بيك . .
إلوين ودّاني! . .
@ @ @
روح إبروح قصده
وغير حل ميريد . .
والَّه إوياك أذوب
. . .وأمتزج آني
@ @ @
صرت إنته الأمل . .
وانته الحزن والعيد..!
وانته أسمي وهويتي . .
وانته عنواني . .
@ @ @
يل وجهك گمر . .
گلّي الحسن شيفيد . . ؟
إذا قصدك ..
أگضّي الليل بأحزاني . . !
@ @ @
ذبل عودي .. وهجرت أهلي
وسكنت البيد ...
مثل مجنون ليلى . .
الشوگ سلاّني . . !
@ @ @
يبو إعيون الكحل . .
آمر علي شتريد . ..!
جن محبس باصبعك دوم تلگاني . .
@ @ @
طفت شمعة شبابي ..
وحيل جسمي إيبيد
واتعذّب وون ..
واتسلّى بأحزاني..!
@ @ @
إذا تلعب عَلَي ..
يا صاحب أجمل جيد ...!
واتحس بسعادة ..إبليل هجراني...
@ @ @
ابقى بواهسك هذا ..
وبعد بيه زيد .....!
أرضى إبكلشي منـّك . . .
بس لتنساني . . !
د. هاشم الفريجي
رد مع اقتباس
رد: أحضنك ...
المشاركة الأصلية كتبت بواسطة ام فيصل
