قصيده ياشمس الاصيل

[سلام الدراجي]

ما شفتك بعد لا ما سمعت الصوت

حبيتك صدگ من وصلت احروفك

محتاج أنه حبك وانته هم محتاج

تتشابك اطيوفي وتحضن طيوفك

ولان اسمي ويه اسمك بيه شبه حرفين

هديت احروفي كله الرقه احروفك

غرگأن أبمحبتك وأنت عني بعيد

دنطيني النفس كملي معروفك

وخل شفتي اعله شفتك ردهه ليه الروح

لان روحي تريد اتسيح بچروفك

تدريني احبك وانه كلي جروح

لو طبك ملح والله ماعوفك

بالحب انه عايش بس أفكر بيك

عشگتك عالبعد وشلون لوشوفك

اقسملك قسم والله انه احبك موت

يرف گلبي ألك ومقدر ظروفك

وإذا حبك حرب أعلنها انه ابزود

لو ادري عليه اتسلهن سيوفك

وتگطعني وذر وتوجها بيه النار

وأمر ضيف بشتاك الخاطر ضيوفك

أنت العودتني وصرنه أحلى اثنين

بحضني أتخيلك والرأس ع اچتوفك

تضل لياوكت عني يغالي أبعيد

ونه السهران ليلي بشوگ ملهوفك

يا شمس الأصيل البيهه احلم دوم

وإذا عيني ألتشوفك أضل مخطوفك

وأريد أعلن خبر گدام كل الناس

ميت انه بغرامك وحيا بطيوفك

ميت انه بغرامك وحيا بطيوفك

الشاعر

سلام الدراجي

[وائل الطائي]

تسلم ايدك حبيب قلبي على الموضوع الجميل كلمات حلوه وبارك الله بيك

[mahmod_abas]

مشكوره ياغالي على الابدع

[محتاره]

صح لسانك يا شاعرنا المبدع

كلمات في قمة الرووووعه

وموضوع ينور الخمس نجوم مو هنه ينورنه

تقبل مروري

مودتىى

[بلسم الروح]

طاب اللقيا بهذا النزف
وطابت نفسي بمصافحة حروفك

أبهرني مجرى وانسياب الكلمات التي تتدفق
من شلالات العاطفة التي تمتلكها
قلمي عاجز عن التعبير ولو القليل عن صرح بوحك

كل احترامي وتقديري لقلمكِ الراقي دوما..


تحياتي

[حيدر القريشي]

قصيده غايه في الروعه
شكرا لك يا شاعرنا الكريم المبدع
وتقبل تحياتي

[ام فيصل]

راائع انت يبو حيدر
وهذا هو ديدنك دوما
قصيدة رائعة باحساسها وكلماتها الجميلة
شكرا لك على هذا الإبداع
ودام لنا هذا المداد
مع تحياتي لك

[^.{{المحـــاميـــــة}}.^]

الله الله

سلمت اناملك

ودام لنا ابداعك

قصيدة رائعة

من ابداع الى ابداع يارب

تحياتي لك