درس مجاني للشباب .... البنت اللي تزعل لا تدخل

**احلى من الحلى** · 07-01-2009

أسئلة من الحريم على الرجال الحذر منها
السلام عليكم ورحمة الله وبركاته
المرأه كائن يصعب فهمه

تطلب المرأة من الرجل أن يكون صريح تماماً
وفي حال حضور الصراحة من الرجل لا يسع المرأه
الا ان تمد بوزها عشر متر

وتزعل وتعصب خاصة لو الجواب ماعجبها
ونادرا ما تعجبها الصراحة
لكن يا شباب خذو نصيحة لا تكون صريح معاهم
دايما خليك مجامل
أخليكم مع أسئلة الحريم الماكرة

- الحرمه : حبيبي كيف الفستان الجديد حلو علي؟؟؟؟؟
- الرجل: حلو يا قلبي بس..... ما يحتاج تكمل لانك راح تسمع صوت باب غرفة النوم
وصوت المفتاح يقفل الغرفة ونام برا اليوم
- الحرمة : حبيبي يا حياتي يا بعد طوايف هلي ( أنواع النصب) خليك صريح لا
تجاملني انا صرت دبه ولا لا يا قلبي؟؟؟
الرجل : حتى لو صرتي دب قطبي يا قلبي أنا احبك
المرأة تبتسم ابتسامه صفرا وتقول من جد يا حبيبي قول عادي انا اسوي كل هذا عشانك
الرجل طبعا مسكين يصدق : والله يا حبيبتي طلعت لك كرشة بس ............
لا تحاول يا رجل وقتها تكمل على طول اتخبى ورا اقرب كنبه لان الطفايه جايه طايره
حاول تحمي نفسك وتطلع باقل الخساير وهو النوم على الكنبه
- الحرمه : حبيبي انت تحبني؟؟؟؟؟؟
- الرجال : أكيد أنا احبك
هذا أهم سؤال لانك لو قلت احبك وسكت راح تقلب الدنيا وتطلعك اتزوجت عليها وانت مسكين ما تدري عن شي
جوابك لازم يكون بهذي الطريقة : التفت وطالع فيها لو انها صعبه تطالع بدون ما تضحك بس اصبر كلها دقيقة الله يعينك
وقول : أنا ما أحبك أنا أموت فيك أنا أعشق التراب اللي تحت رجليك
يا حياتي أنا بدونك ما أسوى شي
طبعا وأنت جالس تتكلم لازم تفكر في شي حلو مثلا سيارة أحلامك وكانك تكلم السيارة
جينا لاخر سؤال ومن أكثر الاسئلة مكر
وانت حضرتك راجع من الدوام و جيعان وجالس تتغدى
او مباراة الاهلي والاتحاد وجالس تتابع
يجيك سؤال لازم تكون جاهز
- الحرمة : حبيبي أنا ايش اسمي؟؟؟؟؟؟
الحل الوحيد انك كل يوم تحفظ وتردد اسمها كل يوم وانت رايح الدوام او جاي

او حتى قبل النوم ولو ما تحفظ بسرعه برشمه
مع هذا السؤال لازم تكون اجابتك سريعة وصحيحة لا تجيب العيد
لو حسيت انك تاخرت ارمي أي اسم عسى يطلع صح وتكمل مباراتك
واذا طلع خطا الله يعينك ترى الشنطه وقتها جاهزه عند الباب تغلط تاخذ الشنطه وعلى
بيت اهلها وروح راضي
وتجي تراضي فيها اول ما تكلمها تقلك طلقها
انت: اطلق مين ؟؟؟؟؟
الحرمه : طلق نوف
انت : مين نوف ؟؟؟؟؟
الحرمة : لا تنكر أنت قلت نوف وما قلت اسمي نسيت انا عمشه ونوف زوجتك الثانيه
طبعا في كل الحالات راح تطلع متزوج عليها وانت ما تدري

أو شي حاد طاير الفين جهتك
والله لا يحرمك من الكنبه اللي انحفرت من كثر ماتنام عليها
الخلاصة يا شباب هذا درس قدمته لكم مجانا
انتبهوا و ولا تجيبوا العيد مع حريمكم مستقبلا
ولا تحرمونا من ردودكم
ولا التقيييم >>>> احم احم
لاحد يزعل