دارميات رمضانيه

[memo alking]

من تطلع برمضان اتفطر الناس
طولك نبع ريحان عطرك عطر ياسيكفيني بس طرواك آنا بسحوري
ومنك تريد الروح بوسه لفطوري


شلون بشهر رمضان يل مدمن عليك
يعتبر عدي امساك من ما احاچيك


اسال شهر رمضان ويخبرك بهاي
من افطر بطاريك ما أشرب الماي


اهواي الك مشتاگ واكثر من هواي
ابكثر ما يشتاگ صايم على الماي


أفطر وافكر بيك وأتسحر وياك
شوفتك شربة ماي وفراگك أمساك


رمضان اجانة اليوم يا هلا بنورة
من زمان احنة بشوگ لسحورة وفطورة


بعده شهر رمضان ما هل هلاله
لو تصعد انته فوگ اتحل بداله


اهلاله اظن موجود در اصفه من در
ويطلع يهل رمضان من كل گلب حر


اباركلك بشهر الصوم گبل ما يعلن قدومه
عسى خيره عليك يدوم وعسى تؤجر على صومه


كلك حلاوة ونور ومن تحچي ميزان
وجهك هلال العيد لو نصف رمضان




منقــــــــــــــــــــــــــــــول

[أنثى شرقية]

عاشت اناملك دارميات رمضانيه رائعه
ننتظر جديدك دوما
تحياتي

[memo alking]

سلمت اناملكي عزيزتي
ع المرور الجميل
شكراً لتواجدكي

لكي ارق التحايا

[سهام الهلالي]

دارميات حلوه خيو شكرا لك

[memo alking]

شكراً لتواجدكي عزيزتي
اسعدني مروركي

[طالب الناصري]

شكرا ميمو دارميات جميله وحلوه
تحياتي الك يارائع

[محمود شاكر الهلالي]

ما شاء الله دارميات حلوه تخبل تسلم اخي العزيز

[memo alking]

مرور جميل
اتمنى لك الموفقيه
اخي العزيز