دفك شباج صدرك مو اجانة الليل//

[الشاعر جلال البطاط]

دفك شباج صدرك مو اجانة الليل

يـذابحني بجمالك والـدلال ألبيك

يابيت وقصيدة وشعري وأوزاني..

(خـدك مشمشة) غلطان كلمن كَـال

لأن شمسين خـدك نـور ربانـي!!

ولأن صيف وشته نجمعن سوة ابملكََاك؟

ارجـفلك خجل وبكََلبــي نيـرانـي!!

أحس اعضاي تصطك لو كَََعدت وياك

ياهيبة منصة وشعـــر ميســانــي..

ربك صورك مو مثل باقــــي الناس

نصفك من مـلاك وحـور للثانـي..

دفاتر بالحجي أمحضرهن الملكََاك

وآنسة وياك اسمي وآنسة عنواني..

مو كافي بعد درحمني يبن الناس

طَك غيض الصبر ونفجر بــركاني..

هيـة وداعتـك شغله دقايـق عــاد

ألك بيهــا ثواب واجــر أنسانــي!!

ثلج قمتين صدرك وانهّ حـر تموز

دحن درحم ونيني وطفي نيراني!!

وإذا بالملكَة اذوبن بس خيالي يطوف؟

أتلمس وريــدك بيــك تلكَََانـــــي!!

سكر صعد بالدم من وصلت اشفاك!

وشفتينك عسلهن لزَك باللساني!

دفك شباج صدرك مو اجانــة الليل

الضوة صدرك تراهي انجومنة أتاني!

تكفيني الدقايـق وارد اكَلك ليــش؟

أطبع شفتي عالخـد خــاف تنسانـي!!

***********

مع تحياتي

جلال البطاط

غير مبروء ذمة من يقوم بالنقل دون ذكر الاسم

مبدع بحق كلمات جميلة جداً
وطبعاً لا احد يستطيع او لا نسمح لاحد
ان ينقل هذا الابداع ويجعل هوية
كاتب هذه الكلمات الروعة مجهولة
عاشت الايادي اخي العزيز
جميل ما كتبته وما خطه قلمك
بحور من الابداع والتميز
وغرقنا بها
كل التحايا لك عزيزي

[سامي المشكور]

كلمات رائعه جدا
تقبل مروري

[سلام الدراجي]

هيـة وداعتـك شغله دقايـق عــاد

ألك بيهــا ثواب واجــر أنسانــي!!
الاخ البطاط تحيه لك من القلب لهذه القصيده الرائعه
دام قلمك وعاشت ايدك
تقبل تحياتي ومروري
اخوك د سلام الدراجي

[أحمد الكعبي]

أحسنت أخي الغالي

وصف رهيب ومشاعر جياشه

أتمنى لك التوفيق

تقبل مروري

قصيده رائعه وجميله
ابدعت فيها كما هو حالك الابداع دائمآ
ننتظر جديدك القادم
تقبل مروري