هذه المقطوعة الشعريه لاخي وحبيبي شوك الشفايف الشاعر الكبير بشعره المتواضع بطبعه عدي فريد والمقطع الاخر لي بعد ان حصلت على الاذن من عدي على نشرها كموضوع منفصل ومستقل لتوضيح روح الاخوه والالفة الموجود بين اعضاء المنتدى الشعري التي في الاونه الاخيره ربما نظر اليها بصورة خاطئة لكن ولله الحمد ما زلنا اخوة واحباء وهذا جزء صغير عما يجوب القلوب ارجو الاستمتاع
اشگد احبك للشاعر الكبير عدي فريد
صورتك وسمك بعيني ..
وچنه سباحه وشواطي ..
يغرب يشمل وكتنه اشتهيك وتشتهيني
شفت بحروفك قوافي
بفرحه تمشي وتعتنيني
وگلبي ياعادل محطه.
تصيح وتغني بمحبه..
مكاسر اغناها بونيني
ونت ريل .. المر عليها
شايل بروحك حبيبي..
ياهوه الحلوين سولف ..
للورد دنياك حلوه
ياسوالف شوگ تكبر
عالعمر چــلمات غنوه
يا قصيده بكل حزنها
تفوح هيل مطعم بفنجان گهوه.
وآنه والله اكثر احبك عادل المنصوري
كَلبي فـــز بچ الضلع صـــــــــوبك عبر
بلايه موعد جاك لن بيك انسحر
صخره مرها الظيم بسنينه العجاف
مانبت ســــــــــــــــــــــــــباح بيها ولاكبر
وآنه نشوة جود يم عركَي اليطوش
لاچن المنجل جـــــــرد يابس خضر
مر علي تمـــــــــــــــــوز يبسني بسموم
مر يشلوط روحي ابظهره الحمر
وانته نسمه وجتني من هور الجنوب
بارده وطشت على الشرجي الوفر
ياللي بايع خــــــــــــــــــــوتك آنه اشتريت
والذهب مچيالنه وبيه الكَدر
وادري باول يوم الم الراس مال
بلايه مردي ولا شراع ولا بحر
اعــــــــــــــتني بشكبان لمحطة اشفاك
انته تحجي وآنه اجمع بالدرر
انته تحجي وآنه اجمع بالدرر