النهاااااااايه
..كلش باتصالك واضح الصوت,,
بس مو واضحه كلش نبرتك,,
فرق كلش جبير ابين الاثنين..
حروره دمعي وبروده ضحكتك..
صوجك علمتني افتهمك بساع..
تسكت وافتهم كلشي بنظرتك..
امسح جفن عينك من الدموع..
كبل لاتخنك ابصدرك عبرتك...........
ولاتعتذر عذرك عندي مقبول..
خلهه مساتره وهيجي افتهمتك..
بعد لازام وراي ارجع للاحلام..
اريد امسح صور بيهن رسمتك..
اجيت ابالي مره وصدكت جاي بجيت وشبكه مسودن شبكتك
شبعد عندك حجي وشرايد ادكول..
تريد تعوفني!!!! وصلت فكرتك
حبيبي ادلل ادري تريدني انساك
!!!عفو قصدي تدلل حضرتك
مدري شجاني وكلت اتصل بيك
اجه الليل وجنت وحدي وذكرتك
عرفتك من ردت تحجيلي موضوع ..
حجيته وغلبت حروفك حسرتك..
وعرفتك من حجيت بطاري الوداع
عرفتك يمكن اطول سفرتك..
قفلت احلامي والخط بعده مفتوح,,
وكلتلي وكتلك اي سمعتك..
ردتني اوصف وكتهه احساسي وياك
وردت تعرف الحصلته بعشرتك..
وبجيت وكتلك انته تخيل تكون..
نص المعركه وتعثر مهرتك..
على كل الخلص من عمري ندمان..
وعلى كل الوصل منك شكرتك..
وهيه حيره من اودعك ارجع وين..
والمن جاييك والمن تركتك..
من اردن للشمس هسه بعيني ماشوف..
يليلي انسيتهه بكد ماسهرتك..
يل حالفلي بس ماتارك شهود..
بس فراشك وحايط غرفتك؟؟
انعم الله عليك كتلي وانه ممنون؟؟
منك على مجازاتي بعشرتك..
وبعد ماتفرق انته تعود لو لا..
على كل حال من عدهن خسرتك
((((منقووووووووول))
رد مع اقتباس
رد: النهاااااااايه
المشاركة الأصلية كتبت بواسطة سامي المشكور
