قصة بنددر بنددر

**reema alhafid** · 16-12-2006

السلام عليكم شكو ماكو شنو اخر الاخبار نايمين لو كاعدين لوجاي اتشربون جاي على صوبه علاء الدين اليوم القصه راح اتضحكون بيهه واتمنى تحوز على اعجابكم

كان ياماكان بايام كبل ايام بغداد من جانت بغداد الحلوه الزاهيه

في يوم وفي قريه نائيه من قرى بغداد وبالاطراف كان فد راعي وعنده كم راس غنم يسرح بيهن ويعتاش عليهن هو ومرته واولاده وماعنده غيرهن بس رحمة

الله جل وعلى

وبيوم من الايام كان يسرح بالغنم هو وصديقه صاحبه كله انته ليش متروح لبغداد ترى بغداد بيهه خوش تجاره والربح بيهه هواي شنو انته راح اتخلص عمرك بس تسرح بروس الغنم رد عليه صاحبنه اي بس اني ماشايف بغداد ولا واصل الهه بس اسمع بيهه كله يمعود دروح روح
بيع روس الغنمات وروح لبغداد وتاجر بيهن وخوش راح تغتني وكول صاحبي ماكال وهذا صاحبنه على نياته حييييييييييييييييل والفكره دخلت بعقله حيييييييييييييييييل ودخل على مرته وكللهه حضريلي متاع كلتله مرته على خير وين رايح كلهه اهووو اني ماكتلج ردت لا شنهي كللهه ها نسيت انه غير بعت الغنم وراح اتاجر ابغداد وهيه المره صاحت ييييييييع يبو يبو يبو يبو ولك اسويت يمفجل انته مااتكولي من كلك اتبيع رزقنه رد عيهه شوفي ذاك الحايط لو اتركعين راسج بيه انه ماشي لبغداد ماشي وغبش الرجال من الصبح ومشى ينشد على بغداد وين ويمشي ويسال الى ان وصل الى مكان بيه هواي ناس ولكه مره واكفه سالهه خويه انشدج وين بغداد
المره ضحكت بسرهه وكالت هذا غشيم كلتله امشي وياي واني اوديك على بغداد وكللهه اي خويه مشه وياهه وانطته ملابس مالت الجندرمه التركيه وكلتله البس لازم من تدخل على بغداد بملابس حلوه مو هيج مشوا الى ان وصلوا للسوك وكلتله اي واحد يحجي وياك كول بنددر بنددر ومو تكول غير شي دير بالك اخوي كللهه ولا يهمج ودخلت على القماش وكصت اقمشه لمن ملت وسالهه القماش هاي الاقمشه المن كالتله هاي لمرت الوالي وكلتله على الاخ وتاشر على صاحبنه واخذت الاقمشه وطلعت وكلتله اني هسه راجعتلك لاتتحرك
وبنص الدرب بدلت الحمال المشيطنه وراحت

ومرت ساعه والقماش ايكوله اخي وين الفلوس ايرد عليه بنددر بنددر
ومرت ساعتين واكثر وهذا كلما يساله يكو بنددر الى ان القماش طلعت روحه وكله شو تعال وكتله كتله وين اليوجعك وذا ك بعده ايصيح بنددر بنددر واخذوه للوالي واشتكى عنده القماش وحجاله على كلشي وعرف الوالي انه صاحبنه غشيم وعلى نياته وكله انته تعرف شنو بنددر كله لا مولانه كله ولك يعني خلوهه على حسابي

الوالي راضه القماش ودفعله افلوسه وكل الصاحبنه دير بالك على حالك ترى بغداد بيهه اهواي ناس من هل نوع وحافض على فليساتك
وطلع صابنه يعرج من الكتل اللي اخده وهو يندب حظه و مشه مشه
الى ان لكه رجال ساله كله بروح ابوك وين الكه علوت الغنم كله ليش تسال كله اريد اتاجر واربح منهن الرجال حك لحيته وكله اخويه امشي وياي للبيت وبات عندي لان الدنيا ضلمت وصار الليل
والصبح مايكون خاطرك الى طيب ومشى وياه للبيت غسل وتوضه وصلوا وصعدوا للصطح مفروش وشحلاته وره شويه صاحبنه شاف الرجال مد راسه من فد حفره كبيره بنص الصطح وصاح ياسطل جيبلنه العشه وره شويه سحب السطل ومايشوفلك الا والسطل مملي اكل مما لذ وطاب صاحبنه وكفت عيونه بالطول واكلوا وره شويه صاح ياسطل جيبلنه الجاي واجه الشاي وره شويه صاح جيبلنه الفواكه والتمرانه اكلك صاحبنه اتخبل كله

الله

ايخليك مدكوللي هذا السطل شنهي كله لالالالا مااكدر هذا سر وصعب افشيه كله ابروح ابوك وداعتك مااكول لحد كله شوف اني راح اكولك واني شفتك طيب وتستاهل كل خير اني راح انطيك الصطل هذا بس تره كلش غالي كله ولا يهمك عندي فلوس كله اخذهه بس انطيني الصطل هذا كله لا مايصير وشلون اخاف اتظيعه يله اخذه ميخالف وصاحبنه اخذ الصطل وغبش من الصبح وطلع لهله وشايل الصطل فرحان بيه ودخل على مرته ويصيح هلهلي ولج اغتنينه

كلتله خير كلهه ماعليج وصعد للصطح وحفرلك حفره شكبرهه بنص الصطح ونصب ذيج النصبه الحلوه وعزملك اعيان القريه كلهم
وره شويه دندل الصطل وصاححححححححححححححححح
ياصطل جيبلنه الجاي يا صطل جيبلنه العشه ؟؟؟؟؟؟؟؟؟؟؟؟؟؟؟

وهاي الناس ظلت اباوع عليه وظل ايصيح لمن انبح حسه ويجر بالصطل لن الصطل فارغ
وتالي كام يبجي على حاله ويصيح يابويه اتقشمرت والناس اتواسيه
وكله الشيخ ابني لازم ترظى باللي

الله

اعطاك اياه وترظى بنصيبك شوف هذا المايرظه بنصيبه وتعلم من الدنيا the end

اتمنى القصه عجبتكم تحياتي