زنجيل ؟؟؟؟ شرك بيك ؟؟؟؟
تركني بنظرة عيونك شرك بيك
عسل من لامس اشفافك شرك بيك
يكفر من سمع صوتك شرك بيك
يكفر مولان اشكر شكر بيك
وسمر ماصارن بطعمك شكر بيك
النحل جي منك اتغذة شكر بيك
وترك ذاك الورد كلة واجه لك
عمن الورد صايغلك وجه لك
وجذب مو بشر من شافك وحه لك
البشر من شافك بعينة وصفن بيك
وبنات البصرة يم دجلة وصفن بيك
ثلثت تنهار بالجنة وصفن بيك
نهر فوك النهر طبكن واجن لك
مثل تفاح المورد وجن لك
وصفن عقلي بشكل وجهك وجن لك
واصفن بيك الك وحدك وفز بيك
وحلم حلمي بحلم حلمك وفز بيك
وصحت ياليتني يمك وافز بيك
وافوز بلمسة من ايدك ولمساك
صباحك ما امل منة ولمساك
صيامي ماعرف مغرب ولمساك
لان الفجر من شافك غرب لك
تراب وربك بمنخل غربلك
الشرق الاوسط اتملكة وغربلك
اذا كل البشر صارت ملك لك
والك من العرش حارس ملك لك
يبو لسان الشعر حجيك ملك لك
يبو السان الشعر حجيك وزن بيك
ويميزان الثكل جالك وزن بيك
شيطانك علي دزك وزن بيك
ويدزك تشلع اكليبي وغيرك
وتجي تدلع واضحك وغيرك
وجذب ما ارتضي بغيرك وغيرك
لان كلبي ارتضة بحبك ولهلك
بغيابك اهلك بكربك ولهلك
لا اهلي اليبعدوني ولا اهلك
واحبك حتى لو كبري علية
للشاعر حيدر الربيعي
</I>
رد مع اقتباس
رد: زنجيل ؟؟؟؟ شرك بيك ؟؟؟؟
المشاركة الأصلية كتبت بواسطة ام فيصل
