بسم الله الرحمن الرحيم
اللهم صل على محمد وال محمد
القصيده
ياعلي بويه الوداع... بسجن وبهم عمري ضاع
*
ياعلي بويه أشبديه....كون أصبر عالأذيه
*
بسجن وبهم عمري ضاع
*******
ياعلي بويه دليلي .... إنگطع لفراگ الآهل
*
الوطن غالي وطن جدي ... بلچي أرد عشت بأمل
*
دوم يابويه بخيالي ... صورته ودمعي يهل
*
والسجن بويه رهيب ...وآنه يوليدي غريب
*
ياعلي إذكر مصابي ... لوعتي بويه وعذابي
*
بسجن وبهم عمري ضاع
******
ياعلي تحيرة بأمري .... كون اعوفنك وأروح
*
گلبي يابويه تمرمر .... ينزف وكله جروح
*
من شفت دمعتك تجري .... روحي أحس بيه تنوح
*
الليله صارت للوداع .... والآمل يابويه ضاع
*
أدري رايح ماأجيكم.... إنكسر گلبي من بچيكم
*
بسجن وبهم عمري ضاع
******
سنين مرت وحدي عايش ... بالسجن ضاگ العذاب
موسى بن جعفر شذنبه .... صوبوه بإچم مصاب
*
من سجن أظلم الثاني .... نوره عن شيعته غاب
*
أحباب ماعنده تجيه ... ولاأهل تسأل عليه
*
سبع طعش عام إبسجوني... يايوليدي و عذبوني
*
بسجن وبهم عمري ضاع
******
ياعلي ظليت وحدي ... بسجن أظلم ماله باب
*
گابع بليل المصائب .... عايش بغربه وعذاب
*
شحاله المسجون وحده ... طول بسجنه الغياب
*
احباب ماعندي تجني .... معذب بونتي وحنيني
*
بسم سهم گلبي رموني... بعز شبابي عذبوني
*
بسجن وبهم عمري ضاع
*****
ياعلي ضاگت عليه ...دنيتي يبني وبچيت
*
توجهت لله بدمعتي ... بالفرج بويه دعيت
*
أدري دنياتي مظلمه ... الآخره يبني رجيت
*
بحسرتي بويه رحت ... عيالي يبني ماشفت
*
ياعلي يصعب عليه ... عفيتك بلوعه وأذيه
*
بسجن وبهم عمري ضاع
***************
ياعلي بويه دهرنه ... إويانه أبداً مـــــارهم
*
ناس بويه بسم گضوها ... وناس ذبحوهابسهم
*
أجساد عالغبره طريحه ... غسلوها بفيض دم
*
حسين ظامي عالتراب ... ضاگ انواع العذاب
*
ياعلي إيعز عليه ... زينب أخذها سبيه
*
بسجن وبهم عمري ضاع
***********
ياعلي إمصايبنه صعبه ... قدرته الله وكتبته
*
لاچن الأصعب علينه ... يبني زينب شافته
*
إدور بيها إعدانه بويه ... مسلبه وي عيلته
*
حسين يابويه ذبيح .... وزينب الحره تصيح
*
خويه يردوني هديه .... غصب يخويه عليه
*
بسجن وبهم عمري ضاع
***********
تمت
عسى ان تتقبل رضاكم
ونسألكم
الدعاء

منقول
من ابو مهند النجفي