طريقة الكتابه بالجليتر درس روعه لا يفوتكم

[سومه]

مرحبااا شلونكم انشاءالله زينين

سويتلكم درس كوولش حلو انشاءالله يعجبكم ويكون الدرس واضح ومفهوم واذا اكو اي سؤال اسالو وانشاءالله اجاوبكم على الشي الي مفهمتوه على شرحي تابعو الخطوات وياي وراح تشوفون شلون سهل

اول شي تختارون جليتر من المكتبة الي نزلتها

اني اختاريت هالون

طبعا الشرائح الثلاثه راح تكون مخزنه يمكم بالجهاز

افتحو الفوتوشوب بعدين افتحو الشرائح الثلاثه كدامكم

بهالطريقه تفتحون الشرائح عالفوتوشوب

File بعدين Open

بعدين راح يفتحلكم بوكس شوفو وين مخزنين الصور وطلعوهن

هسه مثل ماراح تشوفون بالصوره لازم نغير الصيغه من

Indexed Color الى RBG Color

طبعا لازم تكون الصوره محدده لاحظو لو البرواز يختلف عن الباقيات

بس تضغطون عليه خلص معناها تحدد يمكم

وطريقة تغيير صيغة الشرائح سوها لبقية الشرائح همين يعني بس ضغطو عليهن وسو نفس الطريقه

بعدين نروح على Edit بعدين Define pattern

مثل الي بالصوره

مثل التوضيح بالصوره والطريقة نسويها ويا الشرائح الباقيه اكيد

بعدين راح يطلعلكم بوكس مثل هيج

تكدرون تغيرون الاسم هنا والاحسن انو تخلون صوره رقم واحد مثلا ورقم 2 هيج يعني

علمود بعدين تعرفون الفرق ويا صوره جاي تستخدمون

وتضغطون Ok

هسه خلص سدو صور الشرائح بعد تخزنن يمنه ميحتاج يكونن موجودات كدامكم

بعدين تروحو على File و New

اختارو القياسات الي تعجبكم وخاصية الصوره خلوها

Transparent يعني لازم تكون شفافه

مثل التوضيح الي بالصوره

هسه شوفو شلون الخلفيه شفافه

ونروح على اداة الكتابه كتبو الي تريدونه اني كتبت منتديات الفرات مثل مشايفين بالصوره

هسه ننسخ الير الي عدنه الي ثلاثه ليرات لاان اني راح استخدم 3 شرائح جليتر

طبعا تنسخون اليرات على حسب شرائح الجليتر هسه اني ثلاثه عندي بس اذن راح انسخها 3 مرات

والنسخ نضغط بالماوس على اليمين ونختار Duplicate layer

مثل ماموضح بالصوره

هسه راح تصير هيج اليرات يمكم مثل مشايفين بالصوره

هسه راح نشتغل على الير الاول بس قبل منبدي شيلو علامة العين الي كدام الير من الاولى والثانيه

بس عن طريق الضغط عليها راح تنشال وراح تكون الير الاولى هيج مثل التوضيح الي بالصوره

هسه نقرتين على اليسار على الير الاول وراح تطلعلكم اختيارات اختارو

Blending Options

مثل الصوره الي فوق شفتوها

بعد متضغطون عليها راح يطلعلكم هالبوكس

هسه نختار

1. Drop Shadow

2.Pattern Overlay

3.Stroke

الاختيار الاول نكتفي انو نخلي علامة صح بالبوكس الزغير الي كدامه بس

الاختيار الثاني

Pattern Overlay

خلو كدامه علامة صح واضغطو عليه راح يطلعلكم هيج مثل بالصوره

مثل مشفتو بالصوره رحت على pattern

ونزلو السهم ليجوا وراح تلكون الشرائح الثلاثه الي خزنتوها

اختارو شريحه رقم 1 مثل ديرو بالكم تختلطون بينهن لاان كل لير راح تكون الها شريحه

هسه اختاريتو

اوكي نروح على الاختيار الثالث Stroke

من color ضغطو عليها راح تطلعلكم الوان اختارو الي يناسبكم

مثل ماسويت اني بالصوره

هسه ضغطو OK

خلصنه الشغل على الير الاول

طبعا راح يكون شكلها هيج عين الير مثل الصوره الي فوق

نشيل العين من على الير الاول ونخليها على الير الثاني طبعا العيون الي طلعن جدد بس بمجرد الضغط على العين الاولى هن راح تنشال العين عنهن اوتوماتيك مثل هالصوره

ونطبق نفس الخطوات الثلاثه الي ذكرتها فوق واختارو الشريحه الثانيه للير رقم ثنين مثل التوضيح بالصوره

ولما تخلصون همين تشيلون العين من على الير الثاني وتخلونها على الير الثالث

وتطبقون نفس الخطوات بعدين راح يطلعلكم هالشكل الحلو للكتابه

هسه ترجعون علامة العين عن طريق الضغط على السهم الموضح بالصور على جميع اليرات الثلاثه مثل التوضيح الي بالصوره

راح يكون هيج شكلهن

بس بعدنه مخلصنه

كملو وياي

هسه نروح على الايميج ردي

الطريقة تروحون على

File > Jump To > Adobe ImageReady

هسه وصلتو وكلشي طلع يمكم طبعا لازم تكون الشغله على شريط الانيميشن

الي مطلع عنده يروح على window

وجوا اختارو Animation

مثل بالصوره

هسه لازم نطلع اليرات الثلاثه الي اشتغلنا عليها لازم يكونن يمنه بالشريط

وعلمود يطلعن نسوي مثل الطريقة الي بالصوره

اختارو Make Frames from Layers

هسه طلعتلكم اليرات الثلاثه كدامكم

هسه تغيرون الوقت خلو الوقت الي يعجبكم

عن طريق الضغط على sec. 0

شفتوها جوا اليرات موجوده

هسه بعد مااختارينه الوقت

نخزنها ونروح على

File > Save Optimized As

وبهيج نكون خزنه شغلنه وشوفو شلون طلع يمكم

واني هذا تطبيقي

انشاءالله يكون الشرح واضح ومفهوم واي سؤال اني حاضره

[bagdadvoice]

الــــــــــــــــــــــــــــــــــــــــــــــــ ـــــــــــــــــــاــــــــــــــــــــــــــــــ ـــــــــــــــــــــــــــــــــــــــه, عاشت ايدج على الدرس و لو كاتبة خاص و حصري المنتدانا علمود اتحفضين حقوقج ككاتبة و الف شكر مرة ثانية درس امعدل والله.

هذا التطبيق :

[بصراوي مشاغب]

حقا درس رائع والله وبارك الله بيج على هذا الجهد الرائع وعلى هذا التعب

درسك يستحق التثبيت ياوردة والى الامام نتظر المزيد

لك تحياتي

[سومه]

بغداد فويس تطبيق روعه شكرا لما شفت تطبيقك عرفت انو الدرس مفهوم
بصراوي شكرا على التثبيت وعلى مروركم الجميل

[HayderAliraqe]

مشكوورة والله على هذه الدروس

عااشت ايدك

ان شاء الله انشوف منك المزيد

اتمنى الكم كل التوفيق

تقبلي تحياتي

[سومه]

يسلموووو حيدر على مروركم الكريم

[kurd_khanaqin]

عاشت ايدج
مشكوورة على هذه الدروس

[سومه]

العفووو عيني منوره بمرورج