متانين شوفتكم .... بقلمي

[ميراج]

متانين شوفتكم


يابه يابه شلون دنيا تلعب بذوله وهذن
تطوح بروج الحبايب مثل مشچاوة لبن
وهمه من لوع المحبه راحت عيون وعمن
ناظرين وناطرين الجيه منهم
شاتلين الجدم ما همهم تعبهم
وطالت الهله عليهم شهور ساعات وزمن
والدمع اخ الدمع من يهدل براگ الجفن
روج يسبي ولايعوف
يسهسه گلوب ويدوف
ولا يكفكف ضيمه چاره الا بجروف الردن
واااااخ ياطور التغلي يضرب اوتار ويرن
وبين كل ذوله وهذني
وبين احلام وتمني
تزيد لچمات المتاني ويدمن اشعار الحزن
ويحترگ بالفكر بلكي يلگى ذكرى من المضن
وينبش بلا وعي بعتمه يصرخ وانوبه يون
بين كومات الرسايل
تلوح وجنات وجدايل
هاي هاي اللي تلالي هاي صوره من البقن
هااي صورتكم يغالي تفوح بعطور الوسن
وهسا طابتلي الليالي وراح اسمع كل شجن
اعزاز عدنه ...
ياحريمه ...
راح أسمعهن وچوچي يمكن يغمضلي جفنن
وحتى لو أغفى حبيبي طيوفك يروح ويجن
يابه يابه
شلون دنيا تلعب بذول وهذن

[الوردة الجورية]

كلمات جميلة وحـــــروف راقية
ولوحه ملونه ب عذب الشعور
سلمــــت اناملك الذهبية على ماخطته من روعــة هنا
دام نبض قلمك و عطاؤه
لكـِ من التحايا ارقها و اعذبها

[ام فيصل]

بين كومات الرسايل
تلوح وجنات وجدايل
هاي هاي اللي تلالي هاي صوره من البقن
هااي صورتكم يغالي تفوح بعطور الوسن
وهسا طابتلي الليالي وراح اسمع كل شجن


ذكريات وشجون
والم ولوعة
منثورة بأجمل الأحاسيس وأرقها
بمفردة رائعة وتصوير جميل

شكرا لك عزيزي ميراج
وعلى جميل هذه المشاعر والبوح العذب

مع تحياتي لك

[ميراج]

الورده الجوريه وخالتي ام فيصل اهلا وسهلا ومرحبا نورتو الصفحه بهالكلام

[السومري71]

قصيدة جميله استمتعت بقراءة كل حرف منها
ننتظر كل جديد لك
تحياتي

هاي دنيانه حبيبي 0000 وهاي دكات الزمن
اليحب تبعدلــــه حبيبه000الراح منهو اللي يجيبه
نبقه سهرانين بلكي يعودن ولا000000مايجن
والغدر طبع الليالي
والزمن غدر وحزن
تقبل مروري اخي العزيز
وبسلم السانك

[ميراج]

قصيدة جميله استمتعت بقراءة كل حرف منها
ننتظر كل جديد لك
تحياتي

السومري عزيزي اهلا وسهلا بيك نورت الصفحه بكلامك

[ناصر اسماعيل الموزاني]

كلمات جميله تستحق الاشاده
ناصر