االسلام عليكمو رحمت الله ..
الحمد لله والشكر على كل حال .. الف الحمد لله و الشكر....
شباب بنات ... موضوع غريب كلت انقلة الكم ... كنت اقراء باحد الجرايد و شفت هذا الموضوع العجيب الغريب ..
اول شي .. اكيد انا مو صحفية و لا كاتبة علمود اكتب الموضوع مثل ما هو و باللغة العربية الفصحة ...
فراح اكتب لكم الموضوع مثل ما يجي على بالي ...
اوكي اعذرونا.. !!
الموضوع هو .. ان اكو رجل بالهند .. عمرة 36 سنة ... كانت بطبة كلش كلش كبيرة .. و الجيران يضحكون عليه .
هذا الرجل كانت بطنة كبيرة من الصغر ...
و باحد الايام بعام 1999 صار عندة الم و راح للدكتور ... و فكالولة .. اسم الله عليكم و بعيد الشر عنكم ان اكو ورم ببطنة ..
اوكي ؟؟
اي المهم .. و على الاساس يعملون له عملية و يوخرون الورم و بعدين طلع اخو التوئم ببطنة ... هاي شلون ما لون ما ادري ..
صدك جذب ما ادري ..
بس هو الموضوع مكتوب باكبر جريدة نرويجية .. يعني مو معقولة كذب ... ولو عند الهنود كل شي يصير .. بس ما ارعف والله ....
كولولي انتم شنو رئيكم ؟؟؟
و تحياتي !!