اعرفي عريسك بدري بدري من طريقة اكله
1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول..يبقى شخص معتدل في عواطفه
وقراراته ويبقى هذا آخر
الرجال المحترمين..
كلبشي.. واستعجلي الزفاف والحياة هتبقى بمبي
2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟
3- أما إذا كان مش مهتم بالمرة.. لايقولك هذا حلو ولا هذا عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جوعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد واعملي حسابك هاتركبي وتدلدلي
رجلييكي.
4- أما إذا كان بياكل زى مايكون احد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد ثاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لست ملهمته..ولست فتاة أحلامه ولستى حلمه.. ويروح مطلقك بالسرعه..
إخلعي إنتي بدري أحسن لكرامتك.
5- أما إذا كان بياكل على مهله.. ويمزمز.. في كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم في الأكل من العصر
للمغرب .
حاسبي منه يا اختي هذا النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
إخلعي افضل...
6- أما إذا كان بيقعد يقطع في الأكل زي مايكون في خناقة ويخبط في الطبق
من الغل.. ويقطع حتة اللحمة زي ما يكون بيذبحها.. ويتفتف.. ويتكلم..
طول ماهو بياكل لما يغرق وشك أكل..
هذا شخص عصبي جدًاااا.. ومع أول خناقة هايروح مناولك بالكرسي في راسك أو
بالسكينة في عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب في أيدك""
7- أما إذا كان دايمًا قرفاااان دايمًا مش عاجبه العجب ولا الصيام في
رجب.. يع..
الملوخية ثقيلة.. ياي.. السمنة كثيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محاصيل.. يامَّه المعكرونة
معجنة..
إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة من العجيييين
والأحسن من ده كله.....
مالها الا القعدة في بيت أبووووووووكي؟؟
********انا مالي دخل بالجملة الآخيره
رد مع اقتباس
