قصيدة غيمت كصتـــــك

غيمت كصتك
راح اضحك جذب وبعيني زحمه ادموع .....واحبسه الدموع الجانت اتريحك
من جرحي صرد سديت جفنه ونام .... ومن جرحك شفتني ضحكت جرحك
برجلين الجبل شفت السفاح اتبوس .... وعلى رجلي بقن بوسات من سفحك
كل ضنك عليت وانته جوة الكاع.... لجعب رجلي رفعته وما وصل صرحك
اذا خسرك ربح لا تعتقد خسران .... وبس الذله ضلت تنحسب ربحك
غيمت كصتك حمله هماي العيب .... تلاحك غيمتك بس تمطر تفضحك
خجلت الفشل والعار بيك يلوم .... حتى العيب ضلت كصته تنضحك
كبل غلطك صحيح ومرك محلي .... بعد غلطك غلط ونغلط بصحك
شضن خلصت لمن كضت حسرات ... طبح السيف يبشط لو يضل بنحك
خليه بستر لا يطلع المضموم .... اسكت ما اكول وسكتتي اتفضحك
من ارماح الاجن خايف جنت لا اطيح.... جزن كلهن خطني بالظهر رمحك
لا تحفرلي تندم من اطيح اطيح .... تطيح بطيحتي ولا تصدك اتفرحك
حياطين المتن شايلتك امن اسنين بس ادنه عنك ينهدم سطحك
سواد البيه احسن من بياض البيك ... لان ابيض لكيته بس وجه ملحك
جنحك لو عله لا تنسه فضل الريح ... زود الريش يبقى شما صعد جنحك
اذبحك بالشعر سيف الشعر مسموم .... واذا ينطق الساني احجايتي اذبحك

للشاعر مرتضى الازرقي

[ام فيصل]

لا تحفرلي تندم من اطيح اطيح .... تطيح بطيحتي ولا تصدك اتفرحك
حياطين المتن شايلتك امن اسنين بس ادنه عنك ينهدم سطحك
سواد البيه احسن من بياض البيك ... لان ابيض لكيته بس وجه ملحك
جنحك لو عله لا تنسه فضل الريح ... زود الريش يبقى شما صعد جنحك
اذبحك بالشعر سيف الشعر مسموم .... واذا ينطق الساني احجايتي اذبحك

منور يالجوراني
احييك على هذا الإختيار الأكثر من رائع
قصيدة جدا جميلة ومعاني رائعة
كل الشكر لك ولمدادك
وننتظر جديدك القادم
مع تحياتي لك وللشاعر مرتضى الازرقي

[امير الاحزان:]

احسنت الاختيار اخي الغالي

قصيدة رائعة

اشد على يديك من اجل التواصل الدائم

فلا تحرمنا طلتك البهية

مدائن من الود الاخوي

مع فائق تقديري