قصيده اهل العمائم

[سلام الدراجي]

أذا أهل العمائم لزموا الدين


وعضونه بخلق وبأدبيات


أذن محد يموت بغدر يا ناس


لان متضل عصابة ولا مليشيات


وإذا أنشدت عمائمهم على البطون


وغده القران تفسيره ضلالات


أذن نشبع قتل تهجير تقطيع


والهدف واضح أذن تحريف الآيات


اكو عالم تشوفه امرحمن وزين


وسم دمه خلط ويه الكريات


وكو نوراني وجهه وهو شيطان

واكو جني مخيف ويقرا آيات

اكو سمي ولكن ما يلدغك


وايجابي سمومه اتكول حيات


اكو سكران بس أتشيله غيره


واكو أبمسجد يصلي وكله ذيات


وما اقصد قسم مرجع معين


ولا واحد يمثل مرجعيات


بس اقصد إرهابي ويدعي الدين


ولحيته تحب قتل بالعراقيات


من الخارج فتاويهم تجيهم


وعجيبة اشلون عدهم قابليات


عراق شبيك تاريخك قطع روس


ورأس أحسين شاهد عل البليات


كراسيهم تهمهم مو شعبهم


أذا الشعب الچم يوميه چويات


منهم للأسف ما شفنه كل خير


ومنهم شفنه بس موته وفيات


الحمد لله عراقيتي هويتي


بس اللي اجو عدهم هويات؟؟؟؟


الدكتور الشاعر


سلام الدراجي

[يحيى الحميداوي]

منهم للأسف ما شفنه كل خير


ومنهم شفنه بس موته وفيات


نقد لاذع ......سلم قلمك الجريء ......تحياتي

[شوك الشفايف]

د سلام الدراجي..

رائع يا جميل بالفعل

مشكلة كبرى وسنتحاور

يا رائع فيما بعد لك كل الحب

يا كبير..

عراق شبيك تاريخك قطع روس


ورأس أحسين شاهد عل البليات


كراسيهم تهمهم مو شعبهم


أذا الشعب الچم يوميه چويات


منهم للأسف ما شفنه كل خير


ومنهم شفنه بس موته وفيات


الحمد لله عراقيتي هويتي

صح السانك ضربت على الوتر الحساس
قصيده غايه فى الروعه
مع تحياتي

[خالد الفهداوي]

عراق شبيك تاريخك قطع روس


ورأس أحسين شاهد عل البليات

صح والله عمي ابو حيدر
راس الامام عليه السلام شاهد على الجره
بارك الله بيك قصيده اكثر من رائعه
ابو الوليد

[حب الوطن]

[SIZEمنهم للأسف ما شفنه كل خير


ومنهم شفنه بس موته وفيات


الحمد لله عراقيتي هويتي


بس اللي اجو عدهم هويات"6"][/SIZE]قصيدة جميلة جدا وابداع متميز

جميل جداااا

كلمااات تنم عن شهامة وغيرة عراقية بحته

شكرا ً لك ولروعه مشاركاتك

اخي العزيز
امتعنا بالمزيد
لا حرمنا نزيف قلمك

دمت بود

[الشيخ ابوحيدر]

نقد لاذع لمن ليس له رادع
تحياتي لك اخي من القلب ايها
القلم الجريء