شافن اعله كصصنه مكتوب الحياء
وشافن بدمعتنه انواع الحزن
صاحن التاريخ ردك يالرشيد
وهذا موسى الكاظم وهذا السجن
واحنه رغم الخوف ماذلنه الزمان
ومثل طف حسين ذلينه الزمن
ومن برزنه نلاوي جف الاحتلال
ما لبسنه اجفان.....مو يعني جبن
جي كلبنه ابيض وحك حامي الدخيل
فصلينه كلوبنه وصارن جفن
وانته ياموطنه شفت شكد عذاب
وانه ما شايف وطن ينزف وطن
رادوا يسموك واتيه الصلاة
ومثل موقف جعده غدروا بالحسن
دبروا ضدك مؤامرة اليهود
وعطلوا كل الفرائض والسنن
جان كل همهم يشوفنك تطيح
وحاشا انته اطيح وانته المعتمد
الصحاح السبعه ردت من جديد
ومن جبينك موطني تريد السند
صاروا ذيابه عليك المجرمين
وانه كلي الذيب هم يهزم اسد؟؟
الدماء الطاهره بأرضك تسيل
والدول عافوك بين اهل الحقد
سلبوا اموالك بوضح النهار
وبدلوا عيشتهم وصارت رغد
شكد رخيصه دماهم تبرد الركاب
بس طفلنه يفور دمه وما برد
بقلمي
صوت الحق الهادر
قصيدة جراح العراق
رد مع اقتباس
