انواع الشعر ابوذيه ودارمي

السلام عليكم احبتي : : هذا الابوذيه مستوحه من قصه حقيقه صارت بين ولد وبنيه
الشاب سئل حبيبته كلها تحبيني :اجابته الفتاة بصراحه قالت انا ما احب شخص يحبونه 100
بهل الاثناء صديقة الفتاة كان موجوده فا ردة على صديقتها وهي ايضا مغرمه بنفس الشاب
وقالت ومو خمسن ولا ميه الي يحبونه ميتين :
وحبيت اكتب هذا الابوذيه
****************************
لا مية التحبك موت لا ميتين:
واحنة بدون حبك كلنا ميتين
طعم شفتك حبيبي تكول ماي تين
بستها الماي ضل سنتين بية

واتمنى ان يعجبكم وتحياتي لكم احباب كلبي

اخوكم foraten.net/?foraten.net/?foraten.net/?foraten.net/? النصراوي

ناقة شكثر للناس درن ثداي ،،، تاليها للقصاب ودتني دنياي

ما همني القصاب العلق جلاي ،،،، همني الصديج القال عيرلي من هاي

****************************
سلمت روحي وياج ياشمس الغروب ،،،، الماتشوفه العين تسلاه القلوب

يلي وقعت بالبير ناوشني صبعك ،،،،، لولا حجاي الناس لنزل واطلعك

اغفى بركنكم دوم حسبالي بيتي ،،،، كل هذا مامليت يل عدكم شكيتي

*****************************

يفز مثل القطا قلبي من شفاك
هناه يل كان مشروبي من شفاك
عسى كل من قطع شفتي من شفاك
يمرض لاحياة ولامنية ،،،،
ــــــــــــــــــــــــــــــــــــــــــــــــ
تغيب الروح بغيابك وردها
وكتاب جفاك من عندك وردها
وروحي بفرقتك يذبل وردها
ماي انته وترد الروح بيه ،،،،

مع حبي واحترامي للجميع

[محمد السوداني]

مشاركه رائعه من الابوذيه الى الدارمي روعه تحياتي لك ومنتظرين جديدك

[غفران الحزين]

n اخوي foraten.net/?foraten.net/?foraten.net/?foraten.net/? النصراوي تسلم ايدك على الابوذيه الجميله

لا مية التحبك موت لا ميتين:
واحنة بدون حبك كلنا ميتين
طعم شفتك حبيبي تكول ماي تين
بستها الماي ضل سنتين بية


والله قريتها مره ومرتين الى ان حفظتها
تحياتي غفران

[نور حيدر]

الله يحفظك على هاي الابوذيه يا ابو شهاب
نرجو المزيد

[نور حيدر]

شربت أسبين من حبك وسومر
وجه من الشمس مولح وسومر
أحبك من عهد بابل وسومر
وحمو رابي الملك يشهد علينه

تحياتي لكم شباب





قلمي

مشكورررر كلمات جميله جدا
تحياتي

[ام فيصل]

مجموعة رائعة يالنصراوي من الدارمي الأبوذية

احييك واحيي قلمك المبدع

سلمت الأيادي وبانتظار جديدك

[حيدر القريشي]

حبيبي الغالي ابو شهاب
مشاركه في غايه الروعه والابداع
تقبل مني خالص الود والتقدير