اكره كل جرح

اكره كل جرح بس جرحك اتحداه
اذا دك بابي مره وماتلكيته
وجبته بحياتي كتله صير انسان
اخذ مني الحياة وبقه بوحشيته
طبع كلبي الكرم بس للئيم انطيت
وكالولي شكثر وانه ادري حسيته
بس بعناد روحي مدري ويه الناس
بنص كلبي جرح كل عقلي ربيته
سئلو عن ندبته هواي عندي اصحاب
كلت لا كلشي ماكو وكلشي ضميته
لان جرحي الي بس انه الاتحداه
ومن كد مااحبه بكلبي حطيته
سلمتك امانه احساسي عود اسكيه
تره كتلة مشاعر الك سويته
مسحت ايدي راسك نومتك جم يوم
اغزلك حلم ماكو بعذوبيته
أمك مارعت مثلي بوكعتك ذيج
مو دكتور جرحك انه داويته
جم نذر بنذر ناحرلك من الروح
وجم عسر بعسر من زادي فكيته
ادري الخذك مني ما سأل ماضيك
مانصحته الوادم لايمس صيته
ماشاف الشوارع بيهه اثر خطوات
مايعرف حبيبه سنين ماشيته
حصتي ومو نصيبه الله لاينطيه
شمعه انته بحياتي شجابهه لبيته
حسبالك تهزني من تغازل بيه
حبيبك وبحظن دفاني دفيته
نفس سوالفي تسولفهن انته وياه
بنفس ذيج الاسامي كبالي ناديته
روحك صار غيري من شوكت متكول
جا دم الجمعنه لوين وديته
وشكلك ماتهزني وعود اكابر عود
وابلع ريك عيني المطر بجيته
اضحك بس جذب متهستر من الصار
شكو ابالك جرح ياجرح عانيته
شكو ابالك مراره بدمي تجري اليوم
مثل ماتجري هسه انته بعبوديته
تحبه وماتحبني شبالعجل حبيت
ماتحجيلي بالله شلون حبيته
اعرف بيك صخره كل عطف مابيك
بس بغضا بحبي ولف سميته
شغلة ماده لو مصلحه واطماع
هيج اكتسب عقدك مهر شرعيته
كبل موجنت ناعم ليش تحظن شوك
الورد بالصحرا يفقد كل جماليته
شجالك غيرت كل الخصال شبيك
الشخص يصبح عدم لو فقد شخصيته
صفت هيج الجزه تضحيتك انته تخون
وانه كلبي عليك انسان تضحيته
تحركني لان عشك بغصني حميت
وعلى جتافي ثمر طرواك غذيته
بعد مااشتعل من كثر ماوجيت
انه بطرك الرماد الانته خليته

[أحمد الكعبي]

الشخص يصبح عدم لو فقد شخصيته
صفت هيج الجزه تضحيتك انته تخون
وانه كلبي عليك انسان تضحيته
تحركني لان عشك بغصني حميت
وعلى جتافي ثمر طرواك غذيته
بعد مااشتعل من كثر ماوجيت
انه بطرك الرماد الانته خليته

يسرني أن اكون أول الماريين على هذا اليراع
أيها المبدع
لكَ كل الشكر والاحترام
تفبل مروري المتواضع

[ناصر اسماعيل الموزاني]

كلمات في غاية الروعه والاتقان
تقبل مروري المتواضع
ناصر

[حميدالشيباني]

اقول لشاعرنا العزيزالشعربعض الشعروالله صدك حكمه.الشعرلوجان كل الوادم تفهمه.يصح من الشعربلسم يردالروح.بيه معنه اوبلاغه اوواضح اومملوح.يداوي اجروح كثره اشماتكون اجروح.واكوباهت سخيف وجرحك يلجمه.

الشخص يصبح عدم لو فقد شخصيته
صفت هيج الجزه تضحيتك انته تخون
وانه كلبي عليك انسان تضحيته
تحركني لان عشك بغصني حميت
وعلى جتافي ثمر طرواك غذيته
بعد مااشتعل من كثر ماوجيت
انه بطرك الرماد الانته خليته

يسرني أن اكون أول الماريين على هذا اليراع
أيها المبدع
لكَ كل الشكر والاحترام
تفبل مروري المتواضع

الاخ foraten.net/?foraten.net/?foraten.net/?foraten.net/? الكعبي انرتني بمرورك الرائع
تحياتي وجل احترامي لك

[الشيخ ابوحيدر]

مررت من هنا

فلم استطع الذهاب حتى

اترك مايدل على انني مررت بهذه

الابداع والروعه فتركت بصمتي

لتكون تذكاراً هنا

تحياتي

الشيخ ابوحيدر الشويلي