مرني لحظة بيها عاتبني بزعل
حتى اكدر استمعلك
واحيي من ثاني الامل
حتى اكدر اعتذرلك
واكلك كافي من الزعل
مرني لحظة وتالي ارحل
العمر كله رحل
انته ياسر السعادة
الفراق ماجان عادة
حتمت وصارت صدك
شكد لعد عندك ارادة
اي حبيبي انته غالي
والشوك لحدك ماوصل
كطعت روحي عليك
وهل غدت بعدك وصل
اسعدتني في غرامك
وبعد لا خوف لاوجل
وخليت كلبي بأحتياجك
مشدود كالأم والطفل
وياطفل تركته امه
وكلبي من بعدك جهل
شلون وليش ياحبيبي
هم اله لون وشكل
ادري مايحتاج اوصي
كلبك الحاني يظل
وفي يوفي لي ويخلي
المشاعر ماتمل
والدموع ابوسط عيني
بس بلفرحة تهل
ياحبيبي انته عمري
وانته لجفوني الكحل
وانته غفوة بليل وردي
بيهه احلام وغزل
انته اروع شي عندي
وانته نبراس ومثل
بيك اختم كل كلامي
ياختامي بك عسل
ياختاني بك عسل