ابو ذيات رووووعة

[عاشق عيونك]

عكب عينك ابد ماعين تحله
عزيز وبالكلب كل يوم تحله
اذا وياك حتى الحزن يحله
خلى شما يصير يصير بيه



اكت دمعي تريده هسه اكت لك
وتريد اللساني يسكت هالسكت لك
اذا متكول احبك هسه اكتلك
واكوم النوب واكتلني بدية


الكلب ون و مصايب بي شكتلك
و دمع بالعين ماظل بيش اكتلك ؟؟
انا المكتول بيدك بيش اكتلك ؟
اخاف تكول بيدك ..هاك ادية


امسحت كلشي بحياتي من حياتك
وسلامي جان بارد من حياتك
الكرصه اطلعت منك من حيتك
ولحد هاليوم كرصاتك بديه



القصيدة بس الك يحلة نصبها
وروحي بمنبع العشرة نصبها
قصتك مو قصص واحد نصبها
لان عشكك من زغر بين علية



لفن جلمات من عندك يزعلن لياحد تكتم بحبك يزعلن الكلب ما بعد يتحمل يزعلن وجودك والعدم صارن سوية




منقول

[امير الاحزان:]

عكب عينك ابد ماعين تحله
*********
ابوذيات رائعة من عاشق
مو بس عيونه انما
كله وحتى جنونه
لك خالص مودتي
اخوك الامير

[سلام الدراجي]

اخي العاشق
لقد كنت مبدعا
في نقل تلك الابوذيات الاكثر من رائعه
بوركت
تحياتي وتقديري

[عمار الغزي]

عاشت الايادي اخي الغالي
وصح لسانك

[هاشم نجم]

القصيدة بس الك يحلة نصبها
وروحي بمنبع العشرة نصبها
قصتك مو قصص واحد نصبها
لان عشكك من زغر بين علية

ابيات ابوذيه رائعه
تحيه لك يا مبدع

والله ابو ذيات رائعة

بس عندك الاخيرة بيهة كم كسر بالوزن

واحلى وحدة بيهن الثانية

تقبل مروري وتحياتي

( الرومانس المعذب )

[طيبة النجف]

يسلموووووووووو عاشق عيونك ابوذيات رووووعة تقبل مروري

[عاشق عيونك]

شكرا لمروركم العطر والرائع

تحياتي للجميع