مرة شفتك $

[زهراء القيسي]

اجذب الكال عنك مرة شفتك
العسل لسه بشفاك مرة شفتك
الحذر لو وية غيري مرة شفتك
انتحر بيك واموتك بين اديه



اعجبتني

[سجاد الرحال]

شخص غيرك حبيبي ماشفاني
وعسل شفتك رشفته ماشفاني
تهددنــــي ويغيــــرك ماشفاني
اريد امشي وتعال انتحــر بيه

بقلمي
ابوذيه رائع اخت زهراء
تقبلي مروري ومداخلتي
المتواضعه تحياتي

[زهراء القيسي]

شكرا لك اخ سجاد على ردك الاكثر من رائع
لك مني كل الاحترام

كلبي انت ملكته و انت حر بيه
عليل و طبه عندك و انت احر بيه
كاس السم اشربه و انتحر بيه
و لا غيرك يمس جفوف ايدية

[نظرات تؤرقني]

احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه..

[زهراء القيسي]

على خدي نزل دمعي ونشفه
دحط ايدك على كلبي وانا اشفه
اذا منك تجي شفه وانا شفه
نموت اثنينه بالحب سويه
***

[نظرات تؤرقني]

عليك الدمع ما بطل ..وجاري***هلي ملو كثر نوحي..وجاري
العلي ما صار بلدنيه..وجاري***صديقي والعدو هدو علي--------------------------نشم عطرك ياغالي من هوانه
ونحب كلمن يحبنه ومن هوانه
اشتظن اكدر اعوفك من هوانه
لو عفتك مصيبه اتحل عليه

[زهراء القيسي]

شكرا لك اخي
على مرورك الرائع
الذي عطر مشاركتي

أدك عليك يكول الطلب جاري
وعليك الدمع فوك الوجن جاري
ريتك يالحبيب تصير جاري
وأشوفك كل صباح وكل مسية