صدك رايح حبيبي ؟؟؟؟

[احسان الجنابي]

صدك رايح حبيبي بلايه توديع
وقرارك هذا صار بغير رجعه
يمن صدرك حنين وكلبي مفطوم
من يبجي عليك شلون أقنعه
وأجيب منين شمعه تسامر الروح
وأنت بليل المحبين شمعه
وياقطعه الأحطنها بمجانك
واني الحاسبك من عندي قطعه
علمني الصبر لو رايد تروح
أنا بلياك وجعه تعين وجعه
بعدك ماجفيت وبان بسمار
وبسمارك عزيز وعيب أشلعه
ألمن سلمت كلبي اليهم بيك
ومن يشكي الهضم ياهو اليسمعه
حرت وين أطي وجهي وكلها عذال
ويا درب اليوديني وأتبعه
والله الوجعه ماتاذي اليعذلون
لراعيها تظل توجع الوجعه
كتلني كاس هجرك لا تلح بيه
شربني عله كيفك جرعه جرعه
أنا بلا روح بس الجسم ضليت
نص ميت ونص باجر أشيعه
رايد شوفتك وأحلم بملكاك
يبوطول الحلو وعيون وسعه
وأشوفك بيش أشوف منيلي عيون
ياعين التصد وبنصها دمعه
شتلت حبك شتل مابين الضلوع
بس ماحسبت بيدك تكطعه

مما راق لي

مع تحيات الجنابي

قصيدة جميلة جدا شكرا يا مبدع

[فراتيه انا]

ماأجمل تلك المشاعر التي

خطها لنا قلمكِ الجميل هنا
لقد كتبتِ وابدعتِ

كم كانت كلماتكِ رائعه في معانيها

فكم استمتعت بردكِ الجميل

بين سحر حروفكِ التي
ليس لها مثيل

[* البتول *]

الله الله
روعة كلمات جدااااااااااااااااااا جميلة
ومؤثرة الى درجة كبيرة
تسلم ايها الجنابي
ويسلم ذوقك ايها الراقي
تحياتي