بغداد والعراق = دارميات جديده

[شاكر الهلالي]

بالروح الچ اشواگ شوگ اغله من شوگ

بغداد الچ حنيت من جدمي ليفوگ

+ + +

علـّـه وأگول اتطيب ما ظنهه عـِلـّه

يظل حزني ساري اعليچ محـَد يفلـّه

+ + +

يظل حزني ساري اعليچ لمـّن تطيبين

وجروحي مفتوحات وادموعي بالعين

+ + +

أنخه الله واهل البيت واتعود الايام

منصوره يا بغداد واولادچ احزام

+ + +

انضحيلچ الانفاس وانضحي الاولاد

حـرّه وعــلم مـرفــوع دومچ يبغـداد

+ + +

جروح الشريف اتطيب وجروح الاوغاد

يـُبـْقـَن عـُمـُر بالـّروح ما إلهـن ضــمـاد

+ + +

صح آنه إبن ذي قار بس أمي بغداد

حبهه بثنايه الروح وبتوت الفواد

+ + +

كون العراق بخير كلشي احنه منريد

نرجع أهل واحباب أخوه وفرد إيــد

=====

بقلمـــــــي ولي الشرف 0

[طالب الناصري]

بل لك الفخر اخ شاكر
وهنيأ لك هذا الحب
ببغداد الحبيبه ملهمة القلوب

[شاكر الهلالي]

بل لك الفخر اخ شاكر
وهنيأ لك هذا الحب
ببغداد الحبيبه ملهمة القلوب

شكرا لك اخي العزيز طالب

نعم لي الفخر ان أكتب للعراق ولبغداد

لاحرمت اطلالتك البهيه 0

[سهام الهلالي]

بغداد لا تتألمي فانتي في روحي وفي دمي

شكرا شاعرنه الكبير وتسلم

[memo alking]

شكراًً لانتقائك الجميل
كلمات تستحق الشكر والتقدير
كل الود لك اخي الكريم

تحيتي

[محمود شاكر الهلالي]

عيوني بدموم عليج صبت يبغداد

عمر البشر لولاج صدكيه مينراد

تسلم يا مبدع

[ام فيصل]

بالروح الچ اشواگ شوگ اغله من شوگ


بغداد الچ حنيت من جدمي ليفوگ

صح لسانك وعاشت ايدك على جميل هذه الأبيات
دارميات جدا جميلة
تستاهل بغداد عروس العواصم
ويستاهل العراق اجمل الأوطان

مع تحياتي لك عزيزي

[محمد السوداني]

صح آنه إبن ذي قار بس أمي بغداد

حبهه بثنايه الروح وبتوت الفواد

بقلمـــــــي ولي الشرف 0

الاخ العزيز والقلم الفذ الهلالي تحياتي لك وصح السانك اخوي


تقبل تحياتي وتقديري