الى اصحاب النفوس الكبيره
وغلط لمن تمد روحك وتصبح للوكت معبر
وعيب عليك لو دنكت راسك للخصم لمن تلاوه وياك وبحجة الواهي تريد تتعذر
ولون حيلك نكص من حيلي اريد انطيك بس لا تطخ راسك يلجبينك حر
تذكر من جنت مكصد لكل لفاي احجيلك واذكرك لون ماتذكر
جبل انت عتيد وماتهزه الريح شلون باول المشوار تتعثر
ياسكة الشوك ويادرب عاكول يلماكدر حافي بسجتك يعبر
انفض غبرة سنينك يراعي الزود واكسر كل قيود بايدك وشمر
وخل روحك حصن لمن يمسك ضيم ولخصمك ابد لتلين لو تفتر
وبالك تفك سدرك للدهر فد يوم تره الدنيا دنيه بكل وفي تغدر
لتامن بدهرك لو صفه فد يوم تره الخابط اشما صفيتة يتكدر
ولو شفت الاسد فد يوم اجة فرحان تره بوكت الغضب ناب الاسد يظهر
اولو شفت الصديج اكصة بمحبته وياك احسبه اول شخص بمحبتك يغدر
ولون ياصاحبي شراعك وكع بالماي تره روحي سفينة وبالوصل تعبر
رد مع اقتباس
