غناء الروح
شوف الروح شكثر تنوح
الك يهواي مشتاكه
عدهه اسرار تريد تبوح
يمته وياك تتلاكه
بيهه هموم وامل مذبوح
عذبهه الهوى وشواكه
*****************
وتتوسل تظل روحي
مامش جلمه ادخيلك
جلمه اطيب جروحي
ونخهه ربي ودعيلك
وعينك لو غمض ضيهه
حسن اتفصل لعينك
وشمسك لو كسر فيهه
كمر تلكاني بليلك
*****************
ولو ايست هينوب
منك ماكو حنيه
اكولن قدر مكتوب
وذب الصوج بيه
وكل للروح لو زهكت
طولي صبرج شويه
ياكلبي انته عشكت
هسه ختلفت النيه
بقلم / طالب الناصري
رد: غناء الروح
وتتوسل تظل روحي
مامش جلمه ادخيلك
جلمه اطيب جروحي
ونخهه ربي ودعيلك
روعه الاخ طالب اجدت واحسنت
افضت وابدعت لك كل الحب
رد: غناء الروح
اخي العزيز طالب الناصري
قصيدة جميله بثة بين سطورها لوعة قلب عاشق مشتاق
شكرا لك اخي على هذا المداد الجميل
بأنتظار جديدك
تحياتي
رد: غناء الروح
كلمات واحساس جميل
ولوعة روح محبة ترجو وتتمنى
ياطالب
عاشت ايدك عزيزي
على جميل ماسطرت
ودام لنا هذا الإحساس الجميل
مع تحياتي لك
رد: غناء الروح
المشاركة الأصلية كتبت بواسطة الشيخ ابوحيدر
الله لايحرمنا من مرورك الكريم
دمت مبدعا اخي العزيز ودي
رد: غناء الروح
طالب الناصري دومك متميز
تحية الى حضرتك
ننتظر القادم بشوق
تحياتي
رد: غناء الروح
نورت حبيبي مااجمل مرورك الطيب
لك تحياتي واحترامي
رد: غناء الروح
ان الجميل والرائع هو مروركي فبدونه
تبقى مشاركاتنا يتامى فلكي كل الود
والتقدير
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس