قصيدة في حب العباس(ع)

[بصراوي مشاغب]

شرد اوصف هلكمر ووضح الحال ــــــ حارت الافكار تعبيري اختنك

وشرد اسطر وفتح ا لبالي الخيال ــــــ مايصل ابطال خلدهه الطبك

زود زود البيه من وحي الجلال ـــــــ صوره المعبود من عزته وخلك

هذا ابن حيدر ابونه ومو محال ــــــــ يشبه الكرار للماله سبك

ايصول صول الصول بيمين وشمال ــــ ياخذ الابطال جدامه طبك

ضرب ضرب الضرب للاخوه مثال ــــــ سار ويه احسين للدين ويحك

وكف وياه ابثبات وكل جلال ــــــــ مو ابعينه العسكرت هاي الخلك

ايجول بيه ابزود بفنون القتال ـــــ حيدر الكرار طبك اعل الطبك

فتح بركان الغضب علكفر صال ـــــ عصف عصف الموت وبنصهم فتك

ابرهدنه الماي الفرات ومنه نال ـــــــ شعر هلبارد عذب بيده ولبك

وكال حاشه اشرب لذيذ امن الزلال ــــ وكلب اخوي احسين وسكينه احترك

ماتحيطه اقلام ووراق المقال ـــــــ منهو باوصافه وصل نوره البرك


ملاحظه القافيه للعجز ليس حرف الكاف وانما بديل حرف القاف كما نلفضه بالعاميه العراقيه (منقول)

[سومه]

كلمات رائعه في مدح ابا الفضل عليه السلام
شكرا بصراوي على القصيده روعه

[بصراوي مشاغب]

الشكر لك سومة على مرورك الكريم ياوردة

لك تحياتي

[فراشة الكويت]

كلمات رائعه في مدح ابا الفضل عليه السلام
شكرا بصراوي على القصيده روعه