تيهت بطريقك يا عشــــــك جــــــــذاب
انه بدربك حبيبي اليمته اضل وحدي؟
شعلت العشرة الك صــفين مال شموع
ولو ما نورن وجــيت الك جبــــــــــدي
وضلوعي المشاعل لو كمر ليلك غاب
واوكفلك حــــــراسة بوكـــفة الجـــندي
لو كتلي ارمي نفسك بين جــف الموت
ما يحــــــــــتاج اكـــــلك يا ترف ردي
ابذر سنين عمري وكل بخــــل مذموم
شيفيـــــد البخل والموت كض حـــــدي
اطشنها عله راسك طشة الجكــــــــليت
وزفــــــنك كمر ونجــــــوم الك تحدي
لأن انه بغرامــــك ميت من اســـــــنين
وعلى متوني شلت بمحــــــــبتك لحدي
انطيك الحياة ودمي لو تحــــــــــــــتاج
لو تحتاج انطي كلـــــــــــــيبي العندي
انطيك النفس بس ما انطـــــــيك العين
بعـــــــيوني اردشوفك توكـــف بسدي
اتركلي الجفـن لن طبعه يبــــجي عليك
وبهاذه البجي يبقى الصـــــــبر عندي
يخذلني الصـــــبر لو ما يمر طــرواك
وهـــــتز عــــلذكرك هـــــــزة البردي
ويفضحــني الدمع واترجـى ســتر الليل
شيــــداري الدمع من يحفــــر بخــــدي
بقلمي
اتركلي الجفن
رد مع اقتباس
