تكلي شلون صحتك ما بقت صحه ..قصيده لكل مغترب

[أنثى شرقية]

تكلي شلون صحتك ما بقت صحه ..
تكلي شلون صحتك والجسم منسل
وانا من كل ركن يا صاحبي محتل
ويوميه هلي وخواني تتكتل ..
وتكلي شلون صحتك ما بقت صحه
تسالني عليمن .. بعد تسالني
اني ابجي على العراق ما اغني
بعد عيني العراق العمر ما يسوى
العراق امي وابوي وديرتي وفني
تسالني على صحتي انظر لبغداد
غفت بغداد على الاهات والونة
انا هموم اللي علي جبال ما تنشال
وعلى بغداد حد الكاع هذا الثوب اشكنه
عروس الدنيا يا بغداد بالدم ليش تتحنى
هذي ام الحضارة وشمعة التاريخ
يا بغداد فدوة الج الروح كلهه
عفنا بيوتنه الجانت دواوين
وطلعنه بالعزيزة من الاوطان
صح عدلين بس بالغربة ميتين
ندك يا باب ومقفلة البيبان
نعوف بيوتنه بيا شرع يا دين
ونتغرب عليمن واحنه شبان
خلي ايدك بيدي يا خوي يا زين
وخل نبني الوطن ونعلي البنيان
ونبلط الشوارع والدرابين
ونخلي العراق تكول بستان

منقوول لعيونكم

[عراقيه غيوره]

تسلمين اختي احلام

كلام جميل وعبرات اجمل

دمتي في هذا العطاء الرائع
وان شاء الله كلمن مغترب يرجع لبلده سالم

تقبلي تحياتي

شكرا على الكلمات والمشاعر الجميله

[أنثى شرقية]

اسعدني مروركم وتواجدكم وتواصلكم الدائم دمتم بالف خير تحياتي للجميع

[الشايب العراقي]

يا بغداد فدوة الج الروح كلهه
عفنا بيوتنه الجانت دواوين
وطلعنه بالعزيزة من الاوطان
صح عدلين بس بالغربة ميتين
ندك يا باب ومقفلة البيبان
نعوف بيوتنه بيا شرع يا دين
ونتغرب عليمن واحنه شبان
خلي ايدك بيدي يا خوي يا زين
وخل نبني الوطن ونعلي البنيان
ونبلط الشوارع والدرابين
ونخلي العراق تكول بستان




تحياتي

[ام فيصل]

احسنتي عزيزتي
قصيدة مؤثرة
واحساسها جميل
شكرا لك ولما انتقيتي
مع تحياتي لك يااحلام

[أنثى شرقية]

مشكورين لمروركم الرائع والمميز اخوي الطيب الشايب

وغاليتي ام فيصل وامي الغاليه

ربي يوفقكم
تحياتي

لكم

ياارب دائما صحتك عال العال
عاشت اناملك حلومه على القصيده الرائعه تقبلي مروري خيتي الغاليه