ياصاح سهام العدا وسط الكَلب صابت
وضيم الليالي الي هم وحزن صابت
ببلادي عكَب الورد كافر زرع صبات
ورد الحدايق ذبل من شائكات السلك
ياصاح برغي الكَلب من حسرته هم سلك
تكَدر تجاوب ياوغد لو ردت آني اسألك
تبقى الحواجز ليمتى بشارعنا منصوبات !!
**************
ياصاح جرح الكَلب ماينوصفله علاج
والنار ماتنطفي بالكَلب دوم علاج
بغفله داهمنا الدرع والراكبين علوج
واصبح وطنا لهم ياوسفتي محتل
كل ثعلب الكان بجفر خاين ترى ومحتال
علأرض كاعد كبل .. هسه الجنبي محتل
وماطول ذوله بالبلد ماألنا كل علاج