أبتسم للجرح لاتصفن أهواي
لأن بس تصفن جروحك تزيد
انسى الماضي وخله ايروح
ولاتفكر بالجرح اشما يعيد
أنه جبتها مغالب ويه الحزن
مو خلص عمري بعد شتريد
كل ضنك تجويني بلهيب الشوك
أخذ شوكك منه أشبعت ماريد
انه دمي وكف مايمشي بالشريان
لأن جرحك كطع حتى الوريد
من يجي العيد تفرح كامت الناس
وانه الاكيه بحزن من يكبل العيد
لتظن شفت الفرح بعمري لو يوم
اغفة اعله الدمع ويفززني جرج اجديد
تكلي تانيتك عمر لا اعتقد عمرين
وأنه عمرين أنكظن مني وبعد مافيد
شيفيد العمر وجروحي مفتوحات
لامرهم نفعهن لابيهن الخيط ايفيد
تكلي اصبر شصبر موخلصن الحسبات
ومني راحت الروح وهاجرت لبعيد
بقلمي
عقيل كريم الشويلي
1-7-2011