شلــــون اوفيـــــك
اشلون اوفيك
دين ابكل ضمير العاشرك خليت
والمديون كلي اشلون يوفيلك
اذا كلبك محنه اتشيل كل الناس
ياكلب اليعدله ويكدر يشيلك
ونت اجفوف هده الشالت المطروح
حمل الدنيه شلته ومانكض حيلك
اذن حكه القصايد تعتنيك ازحوف
وركاب القوافي ابزود تحنيلك
لئن قلمك جسر وجفوفك انت الموت
بعدهي احروف شعرك تنطر ابليلك
وبعدهي ابكل فخر كل خشبه تتمناك
وبعدهي عللمنابر تركض اكحيلك
ياغيمت شته ومحمله شوك اليل
من مطرت مشاعر غركت جيلك
ومن طبع المجد مادكدك البيبان
بس انت المجد بيبانه توميلك
اذن خيال عليه وماعليك اشكال
والعليه ابتدت من واجبت خيلك
جاكليابتديك اشلون وحجي منين
محتار ويروحي منين تبديلك
جبت شعر ي وجيت لفرحتك ملهوف
نوبه اركض اجيت ونوبه امشيلك
لكيت اليل كبلي عللمنصه يدور
شايل ورقه بيده يريد يحجيلك
رد مع اقتباس