خلد التاريخ

مما نال اعجابي فاحببت ان يكون في متناول اخوتي

خلد التاريخ ذاك انته اعتليت
واعتلائك صار من فوك القمم

وانته ما تنقاس اصلا بالجبال
يمك اهنه زغار واحدهن قزم

انته سيف الله بيدين الرسول
انته تنصر دين وي مهدي الامم

انته بسم الله في ام الكتاب
انته بالرحمن والجن والقلم

من مدينة نور باب الاولياء
انته فرض الدين يالكلك حكم

انته كايل لا..من اتشاهديت
ومن وره التشهيد كايل بس نعم

حفلة التكريم تشريف الاله
حيدر الكرار يسجد للصنم..؟

فجر الاصنام في مدخل قريش
بيمنته الفقار باليسرى العلم

حيدر الكرار بفراش الرسول
هذا ابو الحسنين ياعين التنم

انته سامع يوم هجموا عالرسول
طرهم الكرار جا وين الزلم

هذا ليث الله ضرغام اجاج
بيده ذو الفقار للدين انتقم

يعني ابو الحسنين باب من الرسول
واليطب الباب شيحس بندم..؟

الصراط جبير حيدر معتليه
الينكر الكرار هذا اعمى واصم

واعتقد هاليوم ميت بالحياة
واعتقد لو مات ربك ينتقم

سيدي اترجاك نرجع للوراء
شايف انه اعجاز بس بيك انتظم

ادري ادم ليش وبنص الجنان
شبيه كله التفاح ادم وانهظم

ادم المخلوق اول بالسماء
يطلب الغفران يم الله انحكم

شاف حيدر عالعرش الله اصطفاه
يم رسول الله مخطوط بقلم

ويونس اترجاك في قعر السجون
جان سجنه الحوت من ضيمه انظلم

وجان يعبد يونس بسجن الظلام
وشجرة اليقطين تنبت عالعظم

ومن نخه ذنون وينك يا امام
تلاطمت الامواج والحوت انكظم

صار ذاك الحوت طفل شكد وديع
يعتذر لله يترجه الســــــــــــلم

انته ياكرار اسطورة الهه
انته سيف الله في فارس اشم
انته سيف الله في فارس اشم

[سلام الدراجي]

بارك الله بيك اخي المحفوظ لهذه القصيده الرائعه بحق ابو الحسنين عليه السلام تحيه الك من القلب

[امير الاحزان:]

ومن نخه ذنون وينك يا امام
تلاطمت الامواج والحوت انكظم


صار ذاك الحوت طفل شكد وديع
يعتذر لله يترجه الســــــــــــلم

انته ياكرار اسطورة الهه
انته سيف الله في فارس اشم
انته سيف الله في فارس اشم
.....................................
انت رائع يا ذنون لهذا الانتقاء الجيد
قصيدة اكثر من رائعة
بوركت اخي الغالي
وينك اخوية أفتقدناك

بارك الله بيك اخي المحفوظ لهذه القصيده الرائعه بحق ابو الحسنين عليه السلام تحيه الك من القلب

اجمل التحيات وخالص الكلام
الى اخي وعزيزي سلام
وانشاء الله تكون من خدام
ابو الحسنين(عليه السلام)
شكرا لك ومع فائق احترامي وتقديري
لك اخ سلام

ومن نخه ذنون وينك يا امام
تلاطمت الامواج والحوت انكظم


صار ذاك الحوت طفل شكد وديع
يعتذر لله يترجه الســــــــــــلم

انته ياكرار اسطورة الهه
انته سيف الله في فارس اشم
انته سيف الله في فارس اشم
.....................................
انت رائع يا ذنون لهذا الانتقاء الجيد
قصيدة اكثر من رائعة
بوركت اخي الغالي
وينك اخوية أفتقدناك

شكرا لك يا امير الاحزان
وانت فعلا امير بكلامك واسلوبك
وبارك الله بك وجعلك من المقيمين في الجنه
والله بخصوص غيابي
كانت عندي بعض الاعمال
فانشغلت بها
بس نا كدرت افارك اخواني في منتدى الفرات ولا لحظه
مع تحياتي لك