** ♥ كون اتشوف ♥ **

[أنثى شرقية]

** ♥ كون اتشوف ♥ **
عفت كلشي ...وجبت كلشي

ومدري شلون اجيت امشي ..
اجيتك ردت اگلك شوف ...
ردنه نعوف كلشي وماگدرنه نعوف
كون اتشوف حالي اشگد الك ملهوف ؟..
******
جبت كلشي اليسولف بيك خيالي وصحوتي وطيوف
جبت دگات گلبي الگطعن گلبي بجفاك اسيوف
جبت صفنات روحي
السودنت روحي .....
مثل جن بمسيه وعل يتيمه يحوف
كون اتشوف .....


بشفافي الحزن ماخله بسمه تعيش
وكلمن كمت ابوسه بخده اطبع اوف


كون اتشوف .....
دموع الجدم مايدري وين يروح والخطوات عميه وتايه بلاشوف


كون اتشوف ....
..خلصت الوجوه وشفت كل الناس
كلها وجوه غربه ولا وجه معروف
وين الگاك يلموصوف
اليه أنه والك موصوف ؟...
يلفرگاك غربه وكلشي مامألوف ...
انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه رجع بس مالگاله اجروف
كون اتشوف....
روحي شخله بيها الخوف مطلوبه نذر وتخاف ...
ماتوصل حضرتك
من بعيـــــــــــــــــد طوف



كون اتشوف....


روحي شخله بيها الخوف مثل دمم العروس الجايه اعله اجناب ويصبر عليهه وجابها الزافوف
وشوف اشخله بي الخوف مثل حلت مدارس روحي احسها اطفال
حلت وتركتني ...
وباقي بس صفوف
ويا وحشة صفوفي ومن يجيني الليل ويالون الوجه بعدك الظل مخطوف
ويا قسوة ضنوني الماتريد ارتاح وانه الصاير اسير وبيدهن مجتوف
كون الگاك واشكيلك على جروحي الگيت الغشمه بيها تروف وكون الگاك وابجيلك واسوي خدودي سبوره
ودمعتي حروف
وكون الگاك واحجيلك بكتاب السنين انحذف كلشي الچان بس اسمك لگيته الباقي مامحذوف
واذكرك من مسحت دموعي باخر يوم على خدودي احس لهسه طبع اجفوف


وكون اتشوف....
اعيوني مضيف تصير وكت النوم
وهلبت بلحلم لنك
تجينه ضيوف
كون اتشوف حالي
شكد الك ملـــــــــ ـــــــــهــوف

للعلم
منقووووووووووووول

لانني لا اعلم من كاتبها
تقبلو تحياتي

[رنا العراقية]

الله من البداية الى النهاية رائعة يسلم ذوقج


تحياتي للي كتب وسطر هيج عبارات رائعة

وعلى الجرح

منين انجيبة ويشوف

هوة الميت يصحة ويحس بلهفت المقابل

مات

تحياتي الج

[جــبروت رجــل]

كون اتشوف....


روحي شخله بيها الخوف مثل دمم العروس الجايه اعله اجناب ويصبر عليهه وجابها الزافوف
وشوف اشخله بي الخوف مثل حلت مدارس روحي احسها اطفال


اختي العزيزة
كم رائع وجميل ماتطرحين لنا
فتعودنا منكي كل ماهوة جديد ورائع
عاشت تلك الانامل على وضع هذا الابداع
لكي خالص مودتي واحترامي
تحياتي لكي

[المهندس علي]

شكرا لك اخت عيون المهى
على هذه الكلمات الر ائعة
قصيدة رائعة جدا كتبت
بطريقة سهلة ومحتواها كبير
دمت لنا حلومة مبدعة ناجحة
في كل اختياراتك
تقبلي تحياتي لك

[السومري71]

قصيدة رائعه الأسلوب والمعاني
لامست احساسي كثيرا
اعجبني كثيرا ما انتقيتي
شكرا لكِ ولذوقك الرفيع
تحياتي

[السومري71]

قصيدة رائعه الأسلوب والمعاني
لامست احساسي كثيرا
اعجبني كثيرا ما انتقيتي
شكرا لكِ ولذوقك الرفيع
تحياتي

[الشاعركريم السلطاني]

تسلمين على هذه القصيدة الرائعة اتمنا لك النجاح
الشاعر كريم السلطاني
كربلاء

[أنثى شرقية]

رناوي
السومري
جبروت رجل
المهندس علي
شاعرنا المبدع كريم السلطاني
***
ممنونه لجميل تواصلكم الدائم ومروركم المميز
ربي يوفقكم جميعا
تحياتي لكل شخص مر من هنا وشرفني