الليله يم باب الولايه ينحب ويبجي الوحي
يعزي دين الله وكتابه من اغمضت عين الولي
--------------------------------------------
نزلت الاملاك كلــهه والرسل كلــهه انزلت
تنحب وتنعى الامامه بدمعه والصيحه اعتلت
انهدمت اركان الهدايه والسمه بهم جلـــجلت
من انفكد حامي الحميه البسمه كل هم ينجلي
-----------------------------------------
اية الشمس وضحاها تبـــــــجي دم اعل الامام
واية التطهير لجله تنتحــــــب وسط الكــــلام
وسورة القدر بعظمهه تعزي بيه شهر الصيام
ويبجي قران الجلاله والسمه تبجي لعلي
______________________________
الليله كعبتنه الشريفه لبست الثوب الحزين
واست المرسل محمد بفكد امير المؤمنين
وبالسمه صرخه تجلت صاح جبريل الامين
راح اخو طه اوزيره والبلسلام اولي
------------------------------------------
وشجرى الليله يشيعه بعيلة البضعه البتـــــول
من انحمل نعش المنيه وبيه جسم فحل الفحول
هاي ياشيعه مصيبه مدري عنهه شراح اكول
من تظل زينب تنادي وين ياعز كل هلي
-------------------------------------------
يعينهه الباري العقيله من اخذ منهه الاجل
مرعب الفرسان كلهه حيدره ذاك البــطل
تصيح ياحمّال نعشه ريض بخــير العمل
خل اودعنه واشمه عكبه ماظل كلب الي
---------------------------------------------
والحسن ياحال حالــــــــه من يلفه بالجــــفن
يصيح بويه خلاف عينك تكثر اعلينه المحن
بويه ياريـــــــت ابدالك باللــــــحد انه اندفن
ولا اهيل ابيدي بويه تراب لحدك يالولي
---------------------------------------------
وظل غريب الطف ينوح تسجب عيونه الجمر
اودع بدمــع المعاتـــب والده فارس مضــــــر
جن يكله بويه ردتك تحضر بـــيوم النــــــحر
يوم ما ابكه وحيد وما يظل امعين الي
-------------------------------------------
السلام عليك يا ابا الحسن يوم ولدت ويوم استشهدت ويوم تبعث حيا