ياوطن كرار المعذب

ياوطن

ياوطن ياارض الحظارة والتأريخ


يابيت الانبياء والعالم يزوروك

ياشمعه ونورك يضوي عالكون


ياحظرة ضريح وتستاهل يطوفوك

ياسيد المدن يامرجع الاسلام


ياعالم معلم والعالم يشيروك

ياعراق الصبر منك اخذ عبرات


وانت ابو الصبر ياوطن سموك

ماتنقاس بوطن ماتشبه الاوطان


انته ويه الشمس تستاهل يقيسوك

ياطبع الجبل طبعك ماتهزك ريح


دارت عليك الدول ماكدرو يهزوك

العراق انت واحد لاماتصير ثنين


ولانرضة بكل شبر يعراقنا يقسموك

عفيه شخلك عندك متحمل احزاب


ولالحظه البيهه ياوطن فرحوك

منهم يبيعك بارخص ثمن للغير


ومنهم ياوطن من راسك ايبوسوك

نكروك بعجل وانته البنيت ازلام


وعلى جروحك داسو ومنهم يسبوك

منهم مارضو ترتاح مثل الناس


وزرعو طائفية ورادو يفرقوك

مايقبل علي بسب عمر والتفريق


ولايرضه عمر ياعلي يشتموك

احنى اخوان ارجع للجذور وشوف


حوا وادم نسلنه وربنه هالفوك

احنه الغيرة عدنه بهاي معروفين


وغيرتنه الوطن ياوطن سموك

ياوطن طينتك تشفي كل مجروح


وتطيب الماشفه بشمه لو يشموك

ياشيخ العرب ياتاج فوك الروس


شاخو عليك الجانو يعبدوك

دارت عليك الدول لمن وكعت بضيج


مثل الجلاب تراكظو كامو يعضوك

عافوك الوحدك هو انت هم تنعاف


شافو كلك جرح والوحدك عافوك

يعرفونك بطل من الشهامه البيك


وهسه من الطعن ماكدرو ايعرفوك

بدمعك جنت تسكيهم لمن يعطشون


وليش من عطشت بدموعك يشربوك

هسه عرفت من حبك ومن عاداك


وعرفت الي باعك من الشروك

عراق انت ولا ماتطخ الراس


وتوكف زلم بحزامك يسندوك

اصبر ياوطن لابد يجيلك يوم


عله حيلك توكف ومن رجلك ايبوسوك


عله حيلك توكف ومن رجلك ايبوسوك

بقلم الشااااعر


كرار المعذب

[ام فيصل]

الف شكر لك ياعراقي يااصيل
على هذه القصيدة الجميلة
عاشت ايدك عزيزي
ودام لنا هذا المداد العراقي النابض بحب الوطن

دام لنا ابداعك
مع تحياتي لك

[امير الاشجان]

عراق انت ولا ماتطخ الراس


وتوكف زلم بحزامك يسندوك
**********
صح السانك اخوية كرار
هذا من اصل معدنك وطيبتك العراقية
واصالتك
عراقي غيور
وافتخر لانك عراقي رغم كل الامأسي
تحياتي الك
اخوك الامير