المشاركة الأصلية كتبت بواسطة احلام في الانتظار
اليحبك مايخسرك
اليحبك مايقهرك
واليحبك ماينكرك
واليحبك مايخسرك
واليحبك مايغدرك
واليحبك يرهم حزام اعلى ضهرك
واليحبك مايسهرك
واليريدك ايبوس ايدك
واليحبك ايبوس ثغرك
اليحبك مايكرهك شما نصيت يعلي سعرك
واليحبك مايغيبك
واليحبك مايسهرك
واليحبك يمتثل صدك لاامرك
واليحبك هو بس هو اليعذرك
واليحبك مثل عطرك يغفى ويموت . . .ايموت اعلى صدرك
ومو خساره لو ردت تنطيه عمرك
اليريدك ايصير دم بنص وريدك
* * * * * * *
اليحبك مثل ظلك مايعوفك
واليحبك مثل هاذا النفس يصعد وينزل بجوفك
واليحبك وين ماترحل تشوفه ووين ماتسكن يشوفك
واليحبك يربط زلوفه بزلوفك
واليحبك تغفى يمه وينتهي ويموت خوفك
واليحبك لما تعطش يظل يصب دموع يترسلك جفوفك
واليحبك يفهمك يفهم ضروفك
واليحبك مايشوف الناس بس انت . . .بس انت اليشوفك
* * * * * *
اليحبك يعتنيك
واليحبك ايبيع عمره ويشتريك
واليحبك شما عبرت بحور يعبرها ويجيك
لا ياكلبي شصار بيك
لاتصدك بكلمن يكلك ابيك
ابقه مثل الورقه بيضه لاتظل ياهو الاجه وكتب بيك
ابقه مثل الورقه بيضه وهما يتعنوك ويبوسون اديك
للشاعر خضير هادي