وحشة ليل
عذب صوت اليسامر وحشة الليل
وحش وكت الفكر بعنه الخلاخل
نفط بعنه الدول ترس البراميل
اساور للشعب جبنه السلاسل
جهل ناس اليسنون القوانين
جتل شوك السنابل للمناجل
خفافيش التطير بوكت الغروب
تصيب اهدافها وتخطي الزواجل
الحمايم خنطلت من شافت غراب
بوكتنه يصير سجان البلابل
المدارس عزلت ما ينفتح باب
انذبح حرف القراءه بسيف جاهل
المكابر اعلنت ما تدفن اموات
دفنه انسانه بنص المشاتل
بساتين الاهل داستها الجنود
اسف وردالحديقه اليوم ذابل
الخلف بالله الحدايق صارت كبور
وبعد شتريد من عدنه العوايل
حرارينه ارامل شوف ياصاح
بسبب ضيج الوكت صارن حوامل
مراجلنه كبل باب اليزورون
ورا الدولار ضيعنه المراجل
نسايمنه كبل تصحه اويا فيروز
وصفت هسه تصحيها القنابل
اذن عدكم نظر بس ما تشوفون
وأظن عدكم سمع شم وانامل
يصح ميت عدل عايش بالكبور
ويعيش فلان يمنه بثوب راحل
تحياتي