أبــَوذيأت توكع عــلى ألجــرحـ

[ام علاوي]

وحك الريت والياريت وليت
مفرع واندعي من يوم وليت
يوالي من علي بجفاك وليت
بعد عينك منو العينه عليه

%%%%%%%%%%%%

الوكت تعبني والمصرف والايجار
والغيري الدهر منصف والي جار
الى صاحب ردت ودة والى جار
يواعدني يجي ومامر علية

%%%%%%%%%%%

سلطه وجاه الك يمي والك مال
كلبي ماعشق غيرك ولك مال
الله يساعد الراسب والاكمال
والناجح الف رحمة على ابية

%%%%%%%%%%%%

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية

%%%%%%%%%%%

عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه

%%%%%%%%%%%

فدوة لنور خدك خدي ريتة
واحس جسمي بنظرتك خدريتة
الجاي بنار كلبي خدريتة
شحلاتة يصير من نشرب سوية

%%%%%%%%%%%%%

حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه

%%%%%%%%%%%%

وحـك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه

%%%%%%%%%%%%

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكني بالشفا قبــــــــل المنيه

%%%%%%%%%%%

تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه
..................

م
ن
ق
و
ل

[امير الربيعي]

تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه
عاشت ايدج ام علي ابو ذيات في قمه الروعه دومج قلمكي يعطر المنتدى في مواضيعكي الجميله

[عمار الغزي]

بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكني بالشفا قبــــــــل المنيه

عاشت الايادي لهذا النقل الرائع
ام علاوي تقبلي مروري

[ام علاوي]

امير الربيعي تسلملي هالطله الجميله
لاحرمت جمالها
لك ودي عزيزي

[ام علاوي]

عمار الغزي .. الف شكر للمرور الجميل
لاعدمت هذا الحضور المميز
لك تحياتي

[وليد الربيعي]

سلطه وجاه الك يمي والك مال
كلبي ماعشق غيرك ولك مال
الله يساعد الراسب والاكمال
والناجح الف رحمة على ابية


حي الله ام علاوي
صح لسانك ياغاليه

[ام علاوي]

وليد الربيعي .. الف شكر للحضور الرائع
لاعدمتك عزيزي
لك ودي

[حيدر القريشي]

فدوة لنور خدك خدي ريتة
واحس جسمي بنظرتك خدريتة
الجاي بنار كلبي خدريتة
شحلاتة يصير من نشرب سوية

باقه راااائعه جدا من الابوذيات
يسلم هالذوق الرفيع المستوى
تحياتي للاخت الغاليه ام علاوي المتألقه
مع اطيب الامنيات لها