مدري!!!!

[بلسم الروح]

مدري!

• ناطرتك..
  مثل ما تنطّر الورده نداها
  وانته موگطرة نده وبس
  أنته نهر الروح، تسگي الروح وتخفف ظماها
  ناطرتك..
  مثل ما تنطر الگاع المطر
  روحي صبخه وانته غيمة شوگ
  تتباهى بنسايمها وهواها
  أنته من ياكون اجيت
  يامجرّة مضيع سنيني بسماها
  انته عفت الناس كلها وتلوهتني
  منين اجيب سنين لشواگك،
  وانا عمري تعداها وجزاها
  انته... جمرة شوگ بيدي
  مدري اذبها.. مدري اچوي سنيني بيها
  مدري اخلي العمر يتباهى بضواها
  يانبي موديك گلي؟
  تگطع صيامي وانا الحالف قسم،
  مابدّل الجنة بسواها
  ضوگتني...
  ضوگتني طعم البساتين من تفاحة آدم
  وانته تفاح البساتين وغواها
  من طراوة طولك تطول الأيام
  ومن حلاوة عشرتك يگصر مداها
  انته من تهل طواري العيد هلت،
  يا فرحها ويا طربها ويا غناها
  انته شجرة ياسمين،
  اشجاله شمام البراري يغار من نسمة هواها؟
  انته...
  انته يا مجنون دلاك عله دربي؟
  يا نبي مسودن رسملك سجتي؟
  يانهر جابك على العشبه وسگاها،
  وك روحي صبارة حزن يبن الأوادم
  وانته گطرة فرح..
  شيساگي العمر لو عطشت سنينه لصباها
  بس اگلك:
  انته مو گطرة فرح،
  انته كل الفرح
  كل الحزن
  كل الورد
  كل نجوم عمري وكل سماها.
  
  
  منقولللل

[سلام الدراجي]

بلسم دائما تختارين الاجمل بين القصائد اتمنى ان تحاولي تكتبي انتي الشعر
بوركتي لهذه القصيده الرائعه وسلمت اناملك ودوم الابداع يارب

[بلسم الروح]

شهادة اعتز بيهه

من شاعرنة واستاذنه الكبير ((سلام الدراجي))

مرورك استاذي هو الاجمل و الاروع

دام لنا هذا التواجد يارب

تحياتي

[حيدر القريشي]

قصيده غايه في الروعه
شكرا لكِ اختي العزيز بلسم الروح
وانا اتفق مع الاخ سلام الدراجي
لماذا لا تحاولين انت ان تكبين
الشعر لتُرينا ابداعاتكِ ..
تقبلي تحياتي وتقديري
مع اطيب الامنيات

[بلسم الروح]

الاروع هو مروك اخ حيدر اسعدتني بمرورك الكريم

ان شاء الله احاول

والله كريم مشكورين على هذا الاهتمام

وتحياتي للجميع

[نسيت انساك]

قصيده جميله بكل معنى الكلمه دمتي لنا بخير تقبلي مروري

انته يا مجنون دلاك عله دربي؟
يا نبي مسودن رسملك سجتي؟
يانهر جابك على العشبه وسگاها،
وك روحي صبارة حزن يبن الأوادم
وانته گطرة فرح..
شيساگي العمر لو عطشت سنينه لصباها
بس اگلك:
انته مو گطرة فرح،
انته كل الفرح
كل الحزن
كل الورد
كل نجوم عمري وكل سماها.

من اجمل قصائد الشعر الشعبي لكن دون معرفت الشاعر شكرا لك سيدتي جزيل الشكر

[بلسم الروح]

قصيده جميله بكل معنى الكلمه دمتي لنا بخير تقبلي مروري

الاجمل هو مرورك اخي الغالي

دمت بكل خير

تحياتي