مجموعة ابوذيات حلوه يارب تعجبكم الي مالتي راح اكتب جواه اسمي والي لامو مالتي مراح اكت

[غفران الحزين]

مجموعة ابوذيات حلوه يارب تعجبكم الي مالتي راح اكتب جواه اسمي والي لامو مالتي مراح اكتب عليه وتحياتي الكم..

سن سيفه الدهر بحشاي سنتين .
وسنيـــن من عمري نگضن وياك سنتين .
أبشرك من رصيدي بقه سنتين .
واذا عندك رصيد اتصل بيه ...

*****
چفك ما يمسني مسته حيله .
وانه المايستحي مني مستحيله .
عشرتي وياك صارت مستحيله .
وانه المنون لو تگطع الجيه ...

*****
الورانه يظل ورانه مايعدنه .
وخسر كلمن بصحبه مايعدنه .
ان چان الخبز عنده ماي عدنه .
باچر يغص من ينطيه ميه ...

*****
قوري الما خدر مايه ولا فار .
وچريذي المابقه بيتي ولا فار .
لانه مخلص الخدمه ولا فار .
اركض والعريف يدگ عليه ...

*****
حمل گلبي الاصاله بچفوفه وگدها .
ويا خصلت شجاعه تسابگ البيه وگدها .
لتضن كلامي اوهام أعنيها وگدها .
واسألها السباع تعرفك بيه ...

غفران

*****
جرحك لا بره ولا دار حوله .
بدليلي ومنه الشرك حوله .
الدهر ينضر وياي بعين حوله .
سلب روحي وطلع مشتبه بيه ...


*****
صاحب صحيب يأمنك جربه .
وتوكد من خصاله زين جربه .
لا تربط صحيحه بكتر جربه .
خاف الجربه تتسودن عليه ...

غفران

*****
شما يزري الوكت بينه صحه النه .
وتعرفنه الخلگ والنايم صحه النه .
لتشوف الزلم تحوي صح النه .
العنب للغير وانه السله ليه ...

منقوله

[محمد السوداني]

حمل كلبي الاصاله بجفوفه وكدها
ويا خصلت شجاعه تسابك البيه وكدها
لتضن كلامي اوهام اعنيها وكدها
واسالها السباع تعرفك بيه
والله مدري شكلك انته ابدعت بهذه الابوذيات من نقل وكتابه
تحياتي الك اخوي الغالي غفران