اتلاگينة

اتلاگينة او وگف كلشي بحركة الكون
بس خطواتك اوخطواتي احس بيهن
أودگ السر الأحدب وسط روحي أجراس
وفتلت اوراق الجنت طاويهن
الشارع شالنة حد ماوصلنةالغيم
وأنتحرن جروحي وچلبت بيهن
ها نتلاگة هسة وها الراح ايهون
زعلانات مني وبيك اراضيهن
وانة مابينك ومابينهن محتار
تلچمهن وگلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ماكلك شلون ومنو اليبديهن
منك خطوة مني ؟المهم خطوة أتصير
متهمني المسافة المهم نمشيهن
ولو محتار بس شاءت الصدفة أتصير
اشوفك والسنين الضايعة الگيهن
بس احتارمن لاحن بعيني دموع
ينتظرن شسوي احبسهن؟ ابچيهن ؟
و اردمجبور اموتهن بعين الشوك
على گد مااعبرك وارجع ارثيهن
انة احلم بالاحلام الضالات انقاظ
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لاوكتنة ايضيع
ميل ايعد ثواني وخطوة تمحيهن
انة تيهت روحي گلت وين تروح
يم روحك سوية وهسة نلگيهن
حلم غمضت بي عيني أوگفت وياك
بي يمك حچيت المستحي احچيهن
بجيت اوبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنة وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريدة وردت اخليهن
انتهه كلشي وبديّ سديت باب الشوگ
وانترسن عيوني ويردن اچفيهن
ومالوليت من رادت اسراري تنام
دگ نايك بروحي گمت اغنيهن

اتمنى تعجبكم للشاعر المتألق
ايهاب المالكي

[أحمد الكعبي]

حياكِ الله فاتن وهيب
أحتيار جميل من روائع الصرح أيهاب المالكي
لكِ ودي

[الكناري يونس الجبوري]

فاتن وهيب

[ناصر اسماعيل الموزاني]

شكرا لذوقك الراقي وانتقائك الجميل
اخوك ناصر الموزاني

[ناصر اسماعيل الموزاني]

كلمات جميله وابيات رائعه لك كل باقات الورد
اخوك ناصر

حياك الله ياforaten.net/?foraten.net/?foraten.net/?foraten.net/? الكعبي وشكرا لمرورك مع كل الاحترام لشخصك

الغالي يونس الجبوري تحياتي وتقديري لك يارائع وشكرا لمرورك

هلا وغلا ياناصر الموزاني وشكرا لردك الجميل لك احلى التحايا